Улсын Онцгой комиссын ээлжит хуралдаан өнөөдөр/2020.07.28/ боллоо. Хуралдаанаар өндөржүүлсэн бэлэн байдлыг зэрэгт шилжүүлсэн хугацааг үргэлжлүүлэх эсэх, есдүгээр сарын 1-нд бүх шатны сургалтын байгууллагын үйл ажиллагааг эхлүүлэх эсэх зэрэг асуудлыг хэлэлцжээ.
УОК-оос Ерөнхий боловсролын сургууль, цэцэрлэгийн үйл ажиллагааг 9 дүгээр сарын 1-нээс эхлүүлэх шийдвэр гаргасан байна. Ингэхдээ хичээлийг зайнаас болон танхимаар явуулах зохицуулалтыг хийхээр болжээ.
Харин их, дээд сургуулийн хичээлийг 9 дүгээр сарын 14-нөөс эхлүүлэхээр шийдвэрлэжээ. УОК-ын шийдвэрийг маргааш Засгийн газрын хуралдаанаар эцэслэнэ.
Ерөнхий сайд У.Хүрэлсүх наадмын өмнө болсон Засгийн газрын хурлын үеэр сургууль, цэцэрлэгийн үйл ажиллагааг 9 дүгээр сарын 1-нээс эхлүүлэх чиглэл өгчээ.
