Фото: TASS/Zuma

Америкийн бизнесмен, Tesla ба SpaceX компаниудыг үндэслэгч  Илон Маск дэлхийн хамгийн баян таван хүний тоонд орсныг Forbes сэтгүүлийн шинэ чансаа харууллаа.

Хамгийн сүүлчийн баячуудын чансаанд  түүнийг $74,2 тэрбум доллартай гэсэн ба сүүлийн нэг хоногт түүний хөрөнгө $5,1 тэрбумаар нэмэгдсэн байна.

Энэ чансааг Amazon корпорацийн Жефф Безос тэргүүлсэн ба түүний хөрөнгө $189 тэр хүрэв. Жагсаалтын хоёрт байгаа Louis Vuitton Moet Hennessy  компаниудын группын ерөнхий захирал Бернар Арно ба түүний гэр бүл $113,8 тэрбум доллартай байна. Microsoft компанийг үндэслэгч Билл Гейтс ($113,4 тэрбум) гуравт,дөрөвт Facebook компанийг бүтээгч Марк Цукерберг ($90,3 тэрбум) тус тус бичигдлээ.

Долоодугаар сарын 11-нд Berkshire Hathaway хөрөнгө оруулалтын компанийг бүтээгч Уоррен Баффетаас  Илон Маск илүү баян болон баячуудын жагсаалтын долоод орох болсныг мэдээлж байв. Tesla хувьцаа 11%-иар бирж дээр өссөн нь түүнийг ийнхүү дээшлүүлсэн байлаа.