Долдугаар сарын 9-ний өдөр орон нутагт зам тээврийн ослын улмаас 11 хүн амиа алдсан талаар Тээврийн цагдаагийн албанаас мэдээллээ.
Энэ сарын 9-ны өдөр Тээврийн цагдаагийн албанд иргэдээс 396 дуудлага мэдээлэл хүлээн авсан байна. Үүнээс зам тээврийн ослын шинжтэй 234 дуудлага мэдээлэл бүртгэгдсэн байна.
-
2020.07.09-ны өдөр 11 цаг орчимд Төв аймгийн Сэргэлэн сумын нутаг дэвсгэрт ДАЮУН маркийн мотоцикл онхолдож жолооч С 57 настай эрэгтэй амиа алдсан.
-
2020.07.09-ны 18:15 цаг орчимд Завхан аймгийн Тэлмэн сумын нутаг дэвсгэр Toyota Alphard маркийн автомашин онхолдож зорчигч 7 хүн амиа алдсан.
-
2020.07.09-ны 16:45 цаг орчимд Булган аймгийн Хангал сумын нутаг дэвсгэрт Hyundai accent маркийн автомашин онхолдож зорчигч 46 настай эрэгтэй амиа алдсан.
-
2020.07.09-ны 19:30 цаг орчимд Дорнод аймгийн Гурван загал сумын нутагт ДАЮУН маркийн мотоцикл онхолдож жолооч 58 настай эрэгтэй амиа алдсан.
-
2020.07.09-ны 22:25 цаг орчимд Дорнод аймгийн Баянтүмэн сумын нутаг дэвсгэрт Nissan Leberty маркийн автомашин явган зорчигч 3 настай эмэгтэйг мөргөж амь насыг нь хохироосон хэргүүд тус тус бүртгэгдсэн байна.
Цаг уур, орчны шинжигээний газраас ирүүлж байгаа мэдээгээр ойрын өдрүүдэд ихэнх нутгаар дуу цахилгаантай, усархаг аадар бороо орох төлөвтэй байгааг мэдээлсэн.
Иймд онцын шаардлагагүй бол орон нутгийн замынг зорихгүй байхыг анхааруулж байна. Хөдөө орон нутагт зорчих зайлшгүй шаардлагатай тохиолдолд тээврийн хэрэгслийнхээ бүрэн бүтэн байдлыг шалгаж, хурдаа тохируулан, анхаарал болгоомжтой замын хөдөлгөөндөө оролцохыг зөвлөлөө. Орон нутгийн замд усархаг аадар бороо ихээр орж байгаатай холбоотойгоор зорчих хэсгүүд усанд автаж, эвдрэл ихтэй байгааг Тээврийн цагдаагийн албанаас мэдээллээ.