Энэ удаагийн сонгуулийн дуулианы салхийг АН-ын нэр дэвшигч А.Адъяасүрэн хагалав бололтой. Эмэгтэйчүүдийн үүрэг оролцоо дунд шатандаа хамгийн их мөртлөө их улстөрд босго өндөртэй хэцүү даваа. Яагаад ч юм бэ, монголчууд хэдэн эмэгтэй нэр дэвшигчээ “чулуу”-гаар шидчих гээд байдаг гэмтэй. Харин энэ удаад сонгуулийн сурталчилгаа бараг талдаа орох гэж байхад эмэгтэйчүүдийн үс, зүсний тухай шуугиснаас өөр дуулиан гарахгүй байгаа. 

Гэтэл өнөөдөр соошл ертөнцөд “Ардчилсан намын Алина” гэсэн хөнгөхөн дуулиан дэгдэж, хэл амны бай болж байна. Үмх талхны төлөө биеэ үнэлдэг хүүхний зургийг  УИХ-ын сонгуульд ашиглаад байх даа яах вэ дээ. УИХ ямар миссийн тэмцээн юм уу гэх мэтчилэн... Гэсэн ч яана гэхэв, "байгаа байгаадаа баян" гэдэг байх аа. 

Уг нь энэ зураг “Малина” кинотой огт хамаагүй. Рүүт Оркин хэмээх зурагчны 1951 онд авсан алдартай гэрэл зураг, эмэгтэйчүүд эрх, жендерийн асуудлын хамгийн тод билэг тэмдгүүдийн нэг. Тэгээд ч кинон дээр ч, амьдрал дээр ч өгүүлэмж нь яалт ч үгүй адилхан. Өмнө нь ч соошлын хөгжигчид хүмүүсийн толгойг залган хөөрхөн хөнгөхөн наргиа явуулдаг байсан энэ удаа Баянхонгор амйагт нэр дэвшиж буй А.Адъяасүрэнд “Ардчилсан намын Алина” гэсэн нэр өгч, Баянхонгорын бүсгүйчүүдийг нөхөртөө сэрэмжтэй байхыг анхааруулсан байна. 

А.Адъяасүрэн сурталчилгаа эхэлсэн цагаас л номин ногоон өнгийн дээлнээс салаагүй нь түүний пиарчдын нэр дэвшигчээ сонгогчдод "хоногшуулах" тактиктай холбоотой бололтой. Ямартай ногоон дээлт бүсгүй ийнхүү Цэнхэр дээлтэй Алина, Ардчилсан намын Алина нэртэй болоод байна. Хар PR-аар нүдэлцэж, хэрүүл “зодоон” хийж байснаас зугаатай ч юм уу. 

Гэснээс сошиалаар нэг хөвж яваа зурган дээр нэгэн сортоотон “1951 онд авсан анхны эх зурган дээр траншейны хоёр таг харагдаж байна. 70 жилийн дараа Баянхонгорчууд худгаас усаа зөөдөг хэвээрээ л байгаа шүү” хэмээн бичсэн байна. Траншейны таглаа ч гэсэн шүүрээд авахад сайхан сэдэв байна санж.