Өрсөлдөгчийнхөө эсрэг гүтгэлэг, доромжлол явуулбал хатуухан шийтгүүлэх хуультай УИХ-ын сонгууль найм дахь өдрөө үргэлжилж байна. Өмнөх сонгуультай харьцуулахад цахим орчинд нийгмийг эвгүйцүүлсэн бараан мэдээ ховор байгаа нь энэ сонгуулийн онцлог болж байна.
Сонирхолтой нь өрсөлдөгчдийн бие биенийхээ эсрэг хийх улаан цайм гүтгэлэг багассан хэдий ч аар саар зүйлээр нэгнээ чимхэн, сонгогчдийг төөрөгдөлд оруулах зүйл хийгээд эхэлжээ. Сонгогчдыг төөрөгдөлд оруулах мэдээллийн анхны хохирогч нь Нийслэлийн 25 дугаар тойрог буюу Чингэлтэй дүүрэгт “Та бидний эвсэл”-ээс нэр дэвшиж байгаа Батын Батбаатар болж байгаа бололтой. Өрсөлдөгчдийнх нь нэг нь Батын Батбаатарын 2016 оны УИХ-ын сонгуульд нэр дэвшихдээ авахуулсан зургийг фотошопоор засч, энэ удаагийн сонгуульд авсан уриаг нь өөрчлөн “Одоо л яг хөгжүүлнэ” хэмээн бичээд онлайнд тарааж эхлээд байна.
Батын Батбаатар нь Чингэлтэй дүүрэгт танигдсан нэгэн. Дүүргийн АН-ыг хөл дээр нь босгож, 3 мянган гишүүнтэй байсан намыг 11 мянган гишүүнтэй болгож, энэ дүүргээс УИХ-д сонгогдож байсан нэгэн юм байна. Иргэдийн итгэлийг хүлээсэн улстөрчдийн нэг, Чингэлтэйд танигдсан хүн гэдэг тодорхойлолтууд өрсөлдөгчдийг нь айлгаж байгаа бололтой. Батын Батбаатар энэ асуудлаар холбогдох газруудад хандана гэсэн байна.
Сэтгэгдэл (5)