Нийслэлийн засаг даргын А/590 дүгээр захирамжийн агууллагын талаар НЗДТГ-ын Хэвлэл мэдээлэлтэй харилцах хэлтсийн дарга Ц.Мөнхбаатар мэдээлэл өгөв. Иргэдээс захирамжын талаар олон асуулт ирж байгаа тул мэдээлэл хүргэж байгаа аж.
Тэрээр "БСШУСЯ, ХНХЯ-наас танхимын сургалтыг хориглосон байгаа. Энэ захирамж хэвээрээ байгаа. Хотын даргад иргэд, ААН-үүдээс маш олон хүсэлт ирж байгаа учраас зарим үйлчилгээний газруудын үйл ажиллагааг нээгээд явах шаардлага үүссэн. Гэсэн ч иргэд анхаарлаа сулруулж болохгүй. Амны хаалтаа зүүж, гараа тогтмол ариутгаж байх хэрэгтэй. Байгууллагуудад мөн шаардлага хүргүүлсэн.
Жолооны курс хичээллэхгүй, онлайнаар бол болно. Хэлний сургалт ганцаарчилсан, цөөн хүнийг хамруулсан байдлаар явж болно. Хурим, төрсөн өдөр, ажил явдал зэрэг олон нийтийн арга хэмжээг олон хүн хамруулахыг хориглосон шийдвэр хүчин төгөлдөр хэвээр байгаа. Шашны байгууллагууд бол дотроо үйл ажиллагаагаа явуулж болно. ААН-үүдийг албадаж, шахахгүй, дарамтлахгүй байх хотын бодлого шийдвэр явж байгаа. Эрсдлээс сэргийлэх чиглэлд л ажиллаж байна" гэв.
