Дэлхий нийтэд тархаад буй "COVID-19" халдвараас урьдчилан сэргийлэх хүрээнд авч хэрэгжүүлж буй арга хэмжээнүүдийг эрчимжүүлэх үүргийг Хотын дарга холбогдох албаныханд өгсөн.

Энэ хүрээнд нийслэлийн хэмжээнд нийт 132 мянган аж ахуйн нэгж байгууллагад болон нийтийн эзэмшлийн гудамж талбайд ариутгал халдваргүйжүүлэлтийг хийж байна.

Ирэх тавдугаар сарын 1-ний дотор гэр хорооллын айл өрхүүдийн модон жорлонг ариутгаж халдваргүйжүүлэлт хийхээр төлөвлөсөн бөгөөд цаашид жил бүр халдваргүйжүүлэлтийг тогтмол өргөн хүрээнд хийж байхаар болжээ.

Мөн хаврын улирал эхэлж хуурайшилттай байгаа энэ үед иргэд ууланд гарч агаар салхинд зугаалахдаа гал алдсан цөөнгүй тохиолдол бүртгэгдэж байгаа тул иргэд та бүхэн гал түймрийн аюулаас урьдчилан сэргийлнэ үү!