Дархан-Улаанбаатар чиглэлийн автозамын 5 дахь хэсэг буюу Дархан хотын тойргоос Хонгор сумын Цайдам хүртэлх 30.5 км автозам тавих ажил өчигдөр /2020.04.04/ эхэллээ.
Ерөнхий гүйцэтгэгчээр “Чайна жоу инженеринг” компани, харин туслан гүйцэтгэгчээр зам барилгын дөрвөн компани ажиллаж байна.
Замын ажлыг эхлүүлэхийн өмнө гүйцэтгэгч компани түр замын арчлалт хамгаалалтыг сайжруулан зорчих хөдөлгөөнийг бэлэн болгожээ. Цаашид түр замын арчлалт хамгаалалтыг гүйцэтгэгч компани хариуцан ажиллана.
Эхний ээлжинд далан байгуулах, бетон суурьтай ул хийх, үерийн усыг зайлуулах 30 гаруй бетон хоолой, даланг нягтруулах зэрэг ажлыг хийнэ. Үүний дараа буюу ирэх зургадугаар сард асфальт хучилтын ажлыг эхлэх юм байна.