x

Д.Цогтбаатар сайд аа, дипломат алба чинь хар тамхи, визний наймаачдаар дүүрчихлээ

Хотын дарга асан Су.Батболд Ц.Сандуйд хандан "Шаах хүнээ л шаа" гэж билээ. Түүнтэй адилхан Гадаад хэргийн сайд Д.Цогтбаатарыг "Шаах хүнээ л шаа" гэмээр байх юм. Эх орноо төлөөлөн гадаад улсад суугаа манай дипломат ажилтнуудтай холбоотой дуулиан дуу дуугаа авалцсаар.

Урьд нь ч, одоо ч Болгар, Унгар, Латви, ОХУ, Герман, Франц гээд олон улсад суух дипломатууд хар тамхи зөөдөг, зөөсөөр ч байна. Тамхи зөөсөн Элчин сайдын яамны ажилтан "Цалин хөлс хүрэлцдэггүй учраас бүгдээрээ шахам тамхи зөөдөг. Мөнгөө нийлүүлж нэгэндээ өгөөд хүлээдэг" гэсэн ярилцлага өгч байсан удаатай.

Тэгэхээр бараг бүх улсад суугаа Элчин сайдын яам, консулын газрууд ямар нэг бизнес эрхэлдэг болж таарч байна.

Визний наймаа, контрабант, далайн дээрэмчдэд туг далбаагаа ашиглуулдаг (Н.Энхбаярын дүү ашгийг нь хүртдэг байв) гэх мэдээлэл ч дуулдаж байсан. Та бүхний мэдэж байгаачлан, Хөх хотын консул асан Д.Мөнх-Эрдэнэ гэх залуу “Улаан бал” нэвтрүүлэгт орохдоо дипломат төлөөлөгчдийн булхайг хайр найргүй олон нийтэд дэлгэсэн билээ.

Эргэн сануулахад Д.Мөнх-Эрдэнэ, “Ний нуугүй хэлэхэд, Элчин сайд, Ерөнхий консул, дипломат төлөөлөгчид нь улс төрийн томилгоо байдаг шүү дээ. Гадаад яам дарга, сайд нарын хүүхдүүдээр дүүрсэн. Хөх хотын дэд консулаар томилогдсон Ж.Батзандангийн ах Ж.Баатарчулуун өмнө нь Эрээнд дэд консул хийж байхдаа Замын-Үүдээс Монгол руу будаа нууцаар ачиж ордог. Буцаж Монголоос Эрээн рүү гарахдаа мах ачиж ордог байсан гэнэ. “Махны” Баатарчулуун гээд алдартай нөхөр гэж байна шүү. Хөх хотын консулд одоо виз наймаалах сонирхолтой хүмүүс үлдсэн. Чононд хонь хадгалуулсан юм шиг зүйл болсон” гэж ярьсан байдаг.

Тэгвэл хамгийн сүүлд, БНТУ-ын Истанбул хотод суугаа манай Ерөнхий консулын газрынхантай холбоотой дахин нэг дуулиан дэгдээд байна. Тодруулбал, өнгөрөгч сарын 17-нд Турк улсын холбогдох байгууллагаас манай Гадаад харилцааны яаманд нот ирүүлжээ. Нотод Истанбулын прокурорын газраас тус хотод суугаа Монгол Улсын Ерөнхий консулын газрын дэд Консул Б.Энхмөнх, техникийн ажилтан асан Б.Алтансүх нарыг мансууруулах бодис хууль бусаар худалддаг гэмт бүлгийн гишүүнээр элссэн байж болзошгүй гэх мэдээлэл ирүүлсэн талаар дурджээ.

Түүнчлэн, Монгол Улс, БНТУ-ын хооронд Иргэн, аж ахуйн болон эрүүгийн хэргийн талаар эрх зүйн туслалцаа харилцан үзүүлэх гэрээ байгуулсан байдаг. Энэ гэрээний дагуу Б.Энхмөнх, Б.Алтансүх нараас Истанбулын прокурорын газрынхан байцаалт авах гэж буйг дурдаад зөвшөөрөл хүсчээ. Тус хотын прокурорын газраас дээрх хэрэг явдалтай холбогдуулан хавтаст хэрэг нээсэн аж. Туркээс Европын бусад улс руу хар тамхи, мансууруулах бодис нэвтрүүлдэг гэмт бүлгийг тус улсын цагдаагийн ажилтнууд илрүүлэн шалгаж буй юм байна.

Үүгээр зогсохгүй, Б.Энхмөнх, Б.Алтансүх нарын хэрэг нь өнгөрсөн жил дипломат дугаартай автомашинаараа 70 кг хар тамхи тээвэрлэж, ХБНГУ-ын хилээр нэвтрүүлэх гэж байгаад баривчлагдсан тус газрын дэд консул Б.Баттүшиг, жолооч С.Эрдэнэбаяр нарын гэмт бүлэглэлийн үйлдсэн хэргийн үргэлжлэл байх магадлалтай гэх таамаг байгаа аж. Эх орныхоо болон Монголын дипломат албаны нэр хүндийг шавартай хутгасан Б.Баттүшиг, С.Эрдэнэбаяр нар өдгөө тус улсад яллагдахаар хоригдож байгаа юм.

Харин техникийн ажилтан Б.Алтансүх нь дээрх Ерөнхий консулын газарт ажиллаж байжээ. Түүний ажиллах эрхийг цуцалсан ч эх орондоо ирэлгүй тус улсад амьдарч байсан гэнэ. Түүнчлэн сэжигтнүүд тус улсад суугаа Монгол Улсын дипломат ажилтнуудаас илүү тансаг зэрэглэлийн орон сууцанд амьдарч байгаа, тийм байр хөлслөх хөрөнгийн эх үүсвэрийг шалгана гэжээ.

Энэ хэргийн талаар Гадаад харилцааны сайд Д.Цогтбаатараас тодруу­лахад "Монгол Улсын иргэн шалгагдаж байгаа нь үнэн. Гэхдээ тухайн иргэн нь тус улсад байнгын оршин суудаг. Түүнийг шалгах явцад манай улсын дипломат төлөөлөгчийн газрын ажилтнуудаас хуулийн байгууллага тайлбар авч байгаа юм билээ. Дипломат ажилтнууд ч гэсэн тайлбараа өгөөд явж байгаа. Бид энэ тохиолдолд Хууль зүйн яамтай холбогдож, хуулийн зөвлөгөө, туслалцаа хүсээд хамтран ажиллаад явж байгаа. Дипломат ажилтнууд гэдэг нь ташаа мэдээлэл байна" гэсэн тайлбарыг өгчээ.

Үнэн хэрэгтээ Д.Цогт­баатар сайд нэгэнтээ "Улсынхаа нэрийг бодоод хууль бус асуудалд холбогдсон дипломатуудыг зарладаггүй" гэж ам алдсан удаатай. Энэ бол маш буруу жишиг, ажлын алдаа дутагдал гэж болно. Гадаад хэргийн сайд өөрөө хар тамхины наймаа, хууль бус тээвэрлэлтийг өөгшүүлсэн, мэдээлэл нуун дарагдуулж байна гэсэн үг. Д.Цогтбаатар хар тамхины наймаачдыг илчлэх, ёсзүйн хариуцлага хүлээхийн оронд “Тэднийг ажлаас нь халсан” гээд сууж байх. Энэ мэтээр хар тамхины зохион байгуулалттай гэмт хэргийг эрх баригчид өөгшүүлсний үрээр манай улс хар тамхи дамжин өнгөрүүлэгч орноос хар тамхи хэрэглэгч орны статуст шилжсэн.

Дунд сургуулийн сурагчдын 50 хувь нь хар тамхи хэрэглэж үзсэн, хар тамхи хэрэглэгчдийн 80 хувь нь 18-35 насныхан байна гэдэг судалгааг Хар тамхитай тэмцэх газар онцолж байна. Өнөөдөр энэ асуудалд цэг тавьж, хариуцлага тооцохгүй бол ирээдүй биднээс хэд дахин өндөр үнэтэй төлөөс нэхэхийг таахын аргагүй.

Чухамдаа, Д.Цогтбаатар сайд та, энэ бүхнийг цэгцлэх, ном журамд нь оруулах гэж Гадаад хэргийн сайд болоогүй юм уу. Үгүй бол, ам дүүрэн шударга ёс, хариуцлага ярьдаг У.Хүрэлсүхийн кабинетад яаж багтсан хэрэг вэ. У.Хүрэлсүх нь ч бай, Д.Цогтбаатар нь ч бай энэ мэт эх орныхоо нэрийг баастсан дипломатууддаа хариуцлага тооцохгүй юм бол, ирэх сонгуулийн тухай дэврүүн мөрөөдлөөсөө эртхэн салсан нь дээр болов уу.

Эх сурвалж: "Ардчилал таймс" сонин

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (4)

  • иргэд олон түмэн
    монгол улсад гай болж байгаа хоёр газар байгаа,одоогийн бүрэлдүүнийг зуун хувь өөрчлөж яамны байранд нь сайн ариутгал хийгээгүй тохиолдолд энэ хоёр газар бол шүүх,гхя хоёр байх болно
    2020 оны 04 сарын 09 | Хариулах
  • M
    Chi ooroo ovt shaarchin chinii ar ovriin haalgaar yvuulsan nohduud bugd har tamihnii naimaachin tiimee delhiin shivshig novshoo chi zailaachee
    2020 оны 04 сарын 09 | Хариулах
  • зочин
    Энэ гадаад яамныхан бүгд холбоотой биз!
    2020 оны 04 сарын 06 | Хариулах
  • лрх
    энэ муу бацаан загалмайлсан эцэг болвоо
    2020 оны 04 сарын 05 | Хариулах
iШинэ мэдээ
Электорат хөдөлгөөн уриалж байна 1 цаг 36 минутын өмнө АН-ын "3х3" Төв аймагт сурталчилгаагаа эхлүүллээ 1 цаг 56 минутын өмнө “Ковид-19” цар тахлаас урьдчилан сэргийлэх хүрээнд дэлхийн хотуудын дарга нар харилцан туршлага солилцлоо 2 цаг 5 минутын өмнө Н.Сүрэнчулуун: Охины маань тархины яс цуурч, цус хурсан байна 2 цаг 34 минутын өмнө Өчигдөр шинжилгээ хийлгэсэн 374 хүнээс коронавирус илрээгүй 2 цаг 58 минутын өмнө АН 100 саяараа зодуулаад, МАН тэрбумаа оймсондоо хавчуулаад гараанаас гарав 3 цаг 51 минутын өмнө Уханьд 10 сая орчим хүнд шинжилгээ хийжээ 5 цаг 28 минутын өмнө Лас-Вегаст гарсан үймээний үеэр цагдаагийн ажилтны толгой руу бууджээ 5 цаг 37 минутын өмнө Налайх-Яармаг чиглэлийн 16 км дугуйн замын барилгын ажил эхэллээ 6 цаг 2 минутын өмнө Ш.Тэргэл: Зургадугаар сард олон жилийн дунджаас дулаан байна 7 цаг 12 минутын өмнө Төмөр хүний бээлийг бодит болгожээ 7 цаг 19 минутын өмнө Орон нутгийн элсэгчид ЭЕШ-ын давтлагад идэвхтэй хамрагдаж байна 7 цаг 21 минутын өмнө Ч.Мангалжалав: ШУТИС дэлхийн шилдэг 1000 сургуулийн нэг болно 7 цаг 22 минутын өмнө Дотооддоо тав тухтай, зөв аялцгаая 7 цаг 24 минутын өмнө Александр Лукашенко хувьсгал хийхийг зөвшөөрөхгүй гэв 7 цаг 25 минутын өмнө Улсын эмнэлгүүд “Мобинет Wi-Fi” үнэгүй ашиглана 19 цаг 8 минутын өмнө УИХ-ын сонгуульд оролцох 606 нэр дэвшигч үнэмлэхээ гардаж авлаа 20 цаг 13 минутын өмнө Худалдаа хөгжлийн банк хүүхдүүдэд эрүүл мэндийн бүтээгдэхүүн бэлэглэлээ 20 цаг 35 минутын өмнө Арктикийн төлөөх Америк-Оросын өрсөлдөөн ширүүссэн нь 21 цаг 10 минутын өмнө Токиод коронавирусийн халдварын шинэ тохиолдол огцом нэмэгджээ 23 цаг 44 минутын өмнө
iИх уншсан
Д.Эрдэнэбат: Аливаа юм үнэнээрээ байх шиг үнэ цэнэтэй зүйл ү... Чингэлтэй дүүрэгт “Өрхийн хөдөлмөр эрхлэлтийг дэмжих төв” үү... Дэлхийг өөртөө нээсэн нэр дэвшигч хэрэгтэй! Хэрэв энэ хотод усан парк байсан бол... Жинхэнэ шарк, Шоуны шарк Б.Цэрэнчунт: 17 настай охины биеийг хүчээр үнэлүүлж байсан т... Бонд тойрсон болчимгүй улс төр Н.Мөнхсоёл: Нэг ч гэсэн зүйлээрээ хүнд хэрэгтэй байхыг хүсдэ... Юу ч хийсэн сэтгэл дутна... ​​​​​​​Их Британийн ерөнхий сайдыг яагаад "Борис" гэж нэрлэс... М.Оюунчимэг: Хөдөлмөрлөж буй хүнийг дэмжиж байж улс орон хөг... Тэнэг улс ЛУСЫН ХИШГЭЭР хөгждөггүй аж Д.Эрдэнэбат: Үнэмлэхүй олонх бодлогогүй байдлаасаа болж АРДЧ... Ковидийн жилийн сонгууль “Намайг долоо хоног ч тэсэхгүй гэж эмч нар бодож байлаа” Ш.Тэргэл: Зургадугаар сард олон жилийн дунджаас дулаан байна... Хүүхдүүдийн нэг нь дүүгээ живж байхыг хараад аврахаар ороод ... Ч.Мангалжалав: ШУТИС дэлхийн шилдэг 1000 сургуулийн нэг болн... Төмөр хүний бээлийг бодит болгожээ Александр Лукашенко хувьсгал хийхийг зөвшөөрөхгүй гэв
Top