Сөүл-Улаанбаатар чиглэлийн тусгай үүргийн нислэгээр 255 том хүн, 6 нярай хүүхэд эх орондоо ирлээ. Дээрх иргэд БНСУ-д "COVID-19" халдварын шинжилгээнд хамрагдсан бөгөөд бүгдийнх нь хариу сөрөг гарсан байна.
Нислэгийн явцад МХЕГ-ын хоёр улсын байцаагч зорчигчдын халууныг хэмжиж хяналт тавьж, тандалт хийжээ.
Зорчигчдын 11 нь өөр улсаас Сөүлээр дамжин ирсэн учир ХӨСҮТ-д, 24 зорчигчийг Цэргийн төв эмнэлэгт, үлдсэнийг нь амралтын газарт 21 хоног тусгаарласан бөгөөд давтан шинжилгээ авах юм.
Тус онгоцоор зорчигчдоос гадна 3.8 тонн ачаа тээвэрлэсэн бөгөөд үүнд нэн шаардлагатай эм, эмнэлгийн хэрэгсэл, оношилгооны тоног төхөөрөмжүүд багтсан байна.
Өнөөдөр 13:05 цагт Улаанбаатар-Токио чиглэлийн тусгай үүргийн нислэг Улаанбаатар хотод ирэх төлөвтэй байна. Тус нислэгээр 255 хүн ирэхээр суудлаа баталгаажуулжээ.