Монгол Улс, Катар улсын Батлан хамгаалах яамд хоорондын хамтын ажиллагааны хүрээнд Катар улсад сургалтад хамрагдаж байсан 43 монгол цэргийг тус улсын Зэвсэгт хүчний тусгай онгоцоор өнөөдөр эх орондоо ирлээ.
Катар улсад шинэ коронавирусийн халдварын нөхцөл байдал хүндэрсний улмаас ийнхүү манай улсын цэргүүдийг эх оронд нь хүргэхээр болсон бөгөөд нислэгийн зардлыг тус улс бүрэн даажээ.
Тусгай онгоц “Чингис хаан” олон улсын нисэх онгоцны буудалд 10.20 цагт газардаж 13.00-14.00 цагийн хооронд буцаж нисжээ.
Энэ хугацаанд нисэх багийн бүрэлдэхүүн онгоцноос буухгүй байхаар шийдсэн байна. Харин нислэгээр ирсэн 43 цэргийн алба хаагчийг журмын дагуу Цэргийн төв эмнэлэгт 21 хоног тусгаарлахаар хүргэжээ.
Өнөөдрийн байдлаар Катар улсад шинэ коронавирусээр 693 хүн өвчилж, нэг хүн нас бараад байна.
Сэтгэгдэл (1)