Хотын дарга С.Амарсайхан долоо хоног бүр цаг үеийн асуудлаар олон нийтэд хандан цахим хэлбэрээр мэдээлэл хийж, нийслэлийн иргэд, оршин суугчдын өмнө тулгамдаж буй асуудал, санал хүсэлтийг сонсож, иргэдийн сонирхсон асуултад хариулж байхаар болсон. 

Өнөөдөр “ХОТ-ын мэдээллийн цаг”-аар эхний мэдээллээ өглөө. 

Мэдээллийн эхэнд бүх төрлийн баар, фитнесс, саун, дэн буудал, биллиард, спорт заал зэрэг спорт, соёл урлагийн газруудын үйлчилгээг түр зогсоосон, ресторан паб, цэнгээний газруудын үйл ажиллагааг 22:00 цаг хүртэл болгосон хугацааг дөрөвдүгээр сарын 30-ныг хүртэл сунгахаар болсон талаар мэдээллээ. 

Дээрх газруудыг хэсэгчлэн, цөөн тоогоор нээхээр судалсан боловч эрсдэл өндөр байгаа тул ийнхүү хугацааг сунгахаар болсон тул иргэд, аж ахуйн нэгжүүдийг шийдвэрийг ойлгохыг хүслээ. 

Хотын дарга С.Амарсайхан "Дэлхийн хотуудад шинэ коронавирусийн тархалт буурахгүй байна. Улаанбаатар хотын хувьд цаг алдалгүй яаралтай арга хэмжээ авч ажилласан. Хотын иргэд ч бидэнтэй хамтран ажиллаж байна. Гэвч тайвширч, назгайрч, хорио цээрээ тавих ёстой гэсэн санал их байгаа учраас бид эрсдэл гаргахгүй байхын тулд анхаарах ёстой цаг үе ирсэн байна. 

Уулын аманд гарах боломжийг нээх талаар судалж байна. Шууд нээх боломжгүй. Эрдлээс урьдчилан сэргийлэхийг тулд гэр бүлийн хүрээнд гарах, олноор цуглахгүй байх нь чухал. Мөн орчноо цэвэр байлгах үүднээс нус шүлсээ хаяхгүй байх, хүндэрч хөнгөрөхгүй байх хэрэгтэй. Хүүхдийг шууд гэрт байлгах агаар салхинд гаргахгүй байх нь тийм ч зөв шийдвэр биш гэдгийг анхаарч байгаа" гэлээ.