Шинэ коронавирусийн халдвар манай улсад бүртгэгдсэнтэй холбоотойгоор Нийслэлийн зүгээс иргэдийг хүлээн авч уулзах, олноороо цугласан хурал цуглааныг зохион байгуулах боломжгүй байгаа билээ.
Энэ цаг үед Хотын дарга С.Амарсайхан долоо хоног бүр 1-2 удаа цаг үеийн асуудлаар олон нийтэд хандан цахим хэлбэрээр мэдээлэл хийж, нийслэлийн иргэд, оршин суугчдын өмнө тулгамдаж буй асуудал, санал хүсэлтийг сонсож, иргэдийн сонирхсон асуултанд хариулж, нийслэлийн өмнө тулгамдсан асуудлын зохих гарц шийдлийг хамтдаа эрэлхийлэн ажиллахаар болжээ.
Тус цахим мэдээллийг нийслэлийн Засаг даргын Тамгын газрын байрны гурван давхарт хийх аж.
Хотын дарга С.Амарсайханы оролцох “ХОТ-ын мэдээллийн цаг”-ийн хуваарийг фэйсбүүк дэх “Нийслэлийн мэдээ” фэйж хуудсаар шууд дамжуулах бөгөөд өдөр, цагийг хэвлэл мэдээллийнхэн ажилтан, сэтгүүлчид болон олон нийтэд урьдчилан мэдээлнэ.
Иргэд та бүхэн тухайн цагт ХОТ-ын даргатай шууд холбогдож сонирхсон асуултаа асууж боломжтой юм.
Нийслэлийн ЗДТГ-ын Хэвлэл мэдээлэлтэй харилцах хэлтэс