Өнгөрөгч өдрүүдэд МИАТ компанийн тусгай үүргийн нислэгээр эх орондоо ирсэн 983 иргэнээс ес нь коронавирусын халдвар авсан нь шинжилгээгээр батлагдсан тухай өнөөдөр өглөө ХӨСҮТ-өөс мэдээлж, энэ асуудал олон нийтийн дунд багагүй сандрал, бухимдал үүсгээд байгаа.
УОК дээрх иргэдийн тухай "Гадаад улсад түр хугацаагаар зорчсон болон оршин сууж байгаа хүндэтгэн үзэх шалтгаантай иргэдээ эх оронд нь авчирна" хэмээн мэдээлсэн. Энэ мэдээллийн дараа Ерөнхийлөгч асан Ц.Элбэгдорж "Би хүндэтгэн үзэх иргэний тоонд багтана гэж итгэж байна" хэмээн жиргэсэн байсан. Гэвч эргэн ирсэн эрхмүүдийн дотор түүний нэр хараахан дурдагдаагүй байна.
Харин тусгаарлагдсан хүмүүсийн дунд УИХ-ын гишүүн Л.Болд, А.Ундраа, Ерөнхийлөгч асан Н.Энхбаяр нар байгаа тухай zarig.mn сайт мэдээлжээ.