УОК өнөөдөр хуралдаж, гаргасан шийдвэрээ танилцууллаа.
УОК-оос өндөржүүлсэн бэлэн байдлын хугацаа болон бүх шатны боловсролын байгууллагын үйл ажиллагааг гуравдугаар сарын 30-н хүртэл зогсоох шийдвэрийг сунган дөрөвдүгээр сарын 30-н хүртэл үргэлжлүүлэх шийдвэр гаргалаа.
Үүнтэй холбоотойгоор элсэлтийн ерөнхий шалгалтыг сонгуулийн дараа зохион байгуулахаар болсныг БСШУС-ын сайд Ё.Баатарбилэг мэдэгдлээ. Мөн ЕБС-ийн багш нарын ээлжийн амралтад өөрчлөлт орохгүй, зургадугаар сарын 15-аас эхлэх юм.
Тэрээр "Их дээд сургуульд эслэгчдээс авах ЭЕШ-ыг сонгуулийн дараа буюу 2020 оны долоодугаар сарын 2-ны өдөр эхлүүлж, долоодугаар сарын 5-ны өдөр дуусгахаар болсон. Их дээд сургуулиудын элсэлтийг долоодугаар сарын 7, 8-ны өдөр зохион байгуулахаар болсон" гэлээ.
-
ЕБС-ийн бага ангиуд дөрөвдүгээр сарын 30-аас зургадугаар сарын 6 хүртэл Бямба гаригуудад хичээллэнэ
-
Дунд, ахлах ангиуд дөрөвдүгээр сарын 30-аас зургадугаар сарын 13 хүртэл Бямба гаригуудад хичээллэнэ.
-
Цэцэрлэг тавдугаар сарын 31 хүртэл орно.
Дашрамд, УИХ-ын сонгуулийн саналыг 2020 оны зургаадугаар сарын 24-ны өдөр авах юм. Энэ өдөр лхагва гариг таарч бөгөөд бүх нийтээр амарна.
