“Засгийн газрын мэдээ” сонины зөвлөх, сэтгүүлч Ш.Даваадоржийн бичсэн нийтлэл БНХАУ-ын “Жиньминь Жибао” сонинд гарахаар болжээ.
Сэтгүүлч Ш.Даваадорж энэ сарын эхээр Ухань хотод байсан 31 оюутанг эх орондоо ирсэний дараа "Тэднийг бурхан өршөөг" нэртэй нийтлэл бичиж өөрийн сониндоо гаргасан нь Хятад улсын иргэдийн сэтгэлийг ихэд хөдөлгөжээ.
Тодруулбал, уг нийтлэлд өнөөдөр үүсээд буй аюулт вирусийн талаар өгүүлж, Хятадын ард түмнийг гай зовлон бүү дайраасай гэсэн агуулгаар, мөн аюулыг сөрөн тэмцэж байгаа талаар бичжээ.
Түүний энэ нийтлэлийг “Жиньминь Жибао” сонины Монгол дахь сурвалжлагч олж уншаад “Хятадын ард түмний зүрх сэтгэлд гүн сэтгэгдэл төрүүлсэн учраас таны нийтлэлийг сониндоо орчуулан гаргах гэсэн юм. Та нэрээ Англиар бичээд явуулна уу. Мөн таниас ярилцлага авч сониныхоо сайтад оруулах гэсэн юм” гэжээ.
Хятадын энэхүү сонин нь дөрвөн сая захиалагчтай томоохон баг ажилладаг редакци аж.