УОК-ын шийдвэрээр нийслэл рүү орох, гарах хөдөлгөөний хязгаарласан хугацааг гуравдугаар сарын 3-ныг хүртэл сунгаж, нийслэлийн нийтийн тээврийн үйлчилгээг тусгай хуваариар явуулахаар болсон. Харин нийслэлд хувийн болон албан хэрэгцээ, үйлчилгээ, худалдааны автомашины хөдөлгөөнийг хориглоогүй, хэвийн үргэлжилж, дугаарын хязгаарлалт ердийн хэвээр үйлчлэх юм.
Энэ талаар Нийслэлийн онцгой комиссын хурлын дараа Нийслэлийн Онцгой байдлын алба болон ТЦА-наас мэдээлсэн юм.
Мөн "Томоохон зах, худалдааны төвүүдийн үйл ажиллагааг хязгаарлаагүй. Энэ талаар шийдвэр гаргахад судлах шаардлагатай. Ахуйн хэрэглээнээс бусад бүх төрлийн томоохон зах, худалдааны төвүүдийн үйл ажиллагааны талаар холбогдох байгууллагууд судалгаа хийн ажиллаж байна" гэж нийслэлийн Захирагчийн ажлын албанаас мэдээлэв.