Улсын Онцгой комисс өнөөдөр хуралдаж, шинэ коронавирусийн халдвараас урьдчилан сэргийлэх үүднээс хөдөлгөөнийг хязгаарлах шийдвэр гаргасныг сунгахаар дэмжлээ.
Ингэснээр улс, хот хоорондын зорчигч тээвэр, суудлын галт тээвэр, хувийн авто машины хөдөлгөөнийг энэ сарын 27-ны 08:00 цагаас гуравдугаар сарын 3-ны өдрийн 08:00 цаг хүртэл хязгаарлалаа.
Мөн Япон улс руу хийх нислэгийг 14 хоногийн хугацаатай цуцлаж, БНСУ-ын улсаас ирж буй тус улсын иргэд болон монгол улсын иргэд, дамжин ирж буй гадны орны иргэдийг МОНГОЛ улсын хилээр нэвтрүүлэхгүй байх шийдвэр гаргалаа.
Энэ талаар Ө.Энхтүвшин: "Хөдөлгөөнийг хязгаарласан энэ хугацаанд орон нутгаас ямар ч шалтгаантай байсан иргэдийг хот руу нэвтрүүлэхгүй" гэлээ.
Түүнчлэн хот дотор үйлчлэх нийтийн тээврийн хөдөлгөөнийг дээрх хугацаанд зогсоож байгаа талаар ОБЕГ-ын дарга Т.Бадрал мөн мэдэгдлээ.
