УИХ-ын гишүүн Н.Номтойбаяр дахин нэг дуулианд холбогджээ. Тэрээр ТЕГ-ын дарга асан Б.Хурцын хүү Х.Тайвантай зодолдсон тухай сайтууд мэдээлсэн байна.
“Петровис” компанийн ТУЗ-ийн дарга Ж.Оюунгэрэлийн охины төрсөн өдрийн баяр хэдхэн хоногийн өмнө болж өнгөрсөн бөгөөд уг баярт уригдсан Н.Номтойбаяр, Х.Тайван нар хоорондоо маргалдаж, зодолдсон тухай эх сурвалжууд мэдээлжээ. Гэвч уг "мөргөлдөөний" дараа хэн хэн нь гомдол гаргаагүй бололтой, цагдаагийн байгууллагад энэ хэргийн талаар бүртгэгдээгүй гэсэн байна.
Н.Номтойбаяр гишүүнийг 17-хон насанд нь аав болгосон, эцгийгээ усны дусал мэт өвчиж төрсөн хүү Н.Мөнгөншагай нь АНУ-д цэргийн сургуульд суралцдаг тухай өмнө мэдээлэгдэж байсан. Харин эрхэм гишүүний хувьд УИХ-д хоёр дахиа сонгогдсоны дараа гишүүд дундаа хамгийн хөгшин нь биш ч, хамгийн залуу нь байхаа больсон. Гэвч мань хүний хувьд тийм ч амархан халаагаа өгөх бодолгүй байгаа бололтой. Охидын төрсөн өдөрт уригдаж, зодоон цохион хийсэн шигээ ангийнхаа дүү нарыг ангайлгаж явна.
