Нэгэн үе нийтийн дууны "Ханхүү" гэгдэж явсан дуучин Ч.Бат-Эрдэнийг Нийслэлийн соёл урлагийн газрын даргаар томилжээ. Энэ томилгоог Нийслэлийн Засаг дарга С.Амарсайхан өнгөрөгч сард /2019 оны арваннэгдүгээр сарын 21/ хийсэн бөгөөд дуучин маань тэр өдрөө ажлаа хүлээж авсан байна.
Дуучин Ч.Бат-Эрдэнэ нь СУИС-ийг төгссөнийхөө дараа Удирдлагын академид магистр, докторын зэрэг хамгаалж, Ирланд улсад менежментийн чиглэлээр хоёр жил сурсныг түүний намтраас харж болно.
Ажлын туршлагын тухайд:
-2006-2009 онд Нийтийн дуучдын нэгдсэн холбооны тэргүүн
-2009-2010 онд Яруу найраг, хөгжмийн зохиол, дуучны эрхийг хамгаалах Монголын үндэсний нийгэмлэгийн ерөнхийлөгч
-2014 онд Соёлын дээд сургуулийн захирал
-2014-2017 онд СУИС-ийн дэд захирал
-2017 оноос СУИС-ийн Бүжгийн урлагийн сургуулийн захирлаар ажиллаж байгаад Нийслэлийн Соёл, урлагийн газрын даргаар томилогдсон байна.
Түүний одоо хашиж буй албан тушаалд өмнө нь Ж.Дамдинцэрэн томилогдон ажиллаж байсан ч төрийн албаны ёс зүй зөрчсөн асуудлаар 2019 оны зургаадугаар сард чөлөөлөгдсөн байна.