Үндсэн хуулийн цэцийн дарга Д.Одбаярын албан тушаалаасаа чөлөөлөгдөх хүсэлтийг хэлэлцэх хурал маргааш буюу арваннэгдүгээр сарын 22-ны өдөр 11 цагт болохоор болжээ.

Харин "Хурлаас гарсан шийдвэрийг хэвлэл, мэдээллийн төлөөлөгчөөрөө дамжуулан нийтэд мэдээлнэ" гэж эх сурвалж хэлэв.

Цэцийн дарга Д.Одбаяр "Албан тушаалаасаа чөлөөлөгдөхөө хүсэж, асуудлыг холбогдох хуулийн дагуу шийдвэрлэж өгнө үү" гэсэн хүсэлт өнгөрсөн даваа гаригт гаргасан юм. Тэрбээр БНСУ-ын онгоцонд зорчиж явахдаа үйлчлэгч бүсгүйд бэлгийн дарамт үзүүлсэн гэх хэрэгт холбогдож, мөнгөн торгууль төлсөн билээ. 

Монгол Улсын Үндсэн хуулийн цэц бол Үндсэн хуулийн биелэлтэд дээд хяналт тавих, түүний заалтыг зөрчсөн тухай дүгнэлт гаргах, маргааныг магадлан шийдвэрлэх бүрэн эрхтэй байгууллага гэж хуульд заажээ.

Үндсэн хуулийн цэц нь 9 хүний бүрэлдэхүүнтэй:

1. Д.Одбаяр /Дарга/

2. Н.Чинбат /Гишүүн/

3. Д.Солонго /Гишүүн/

4. Ш.Цогтоо /Гишүүн/

5. Ш.Солонго /Гишүүн/

6. Б.Буяндэлгэр /Гишүүн/

7. Ц.Нанзаддорж /Гишүүн/

8. Г.Туулхүү /Гишүүн/

9. Г.Баясгалан /Гишүүн/

Д.Одбаяр нь 2016 оны 11 дүгээр сарын 17-ны өдөр УИХ-аас нэр дэвшин Үндсэн хуулийн цэцийн гишүүнээр томилогдож, 2017 оны 6 дугаар сарын 14-ний өдөр Үндсэн хуулийн цэцийн даргаар сонгогдож байжээ.

Цэцийн дарга Д.Одбаярын ҮХЦ-ийн бүрэлдэхүүнд гаргасан өргөдөл: