Саарал жагсаалтад орсонтой холбоотойгоор Хууль зүй, дотоод хэргийн сайд Ц.Нямдорж, Гадаад харилцааны сайд Д.Цогтбаатар, Сангийн сайд Ч.Хүрэлбаатар нарыг огцруулах тухай яриа УИХ дахь МАН-ын бүлэг дунд гарсан бөгөөд дараачийн сайд нар нь хэн хэн байх тухай таамаг ч хэвлэлээр гараад амжсан.
Тухайлбал, Гадаад харилцааны сайд Д.Цогтбаатарыг оронд УИХ-ын гишүүн Т.Аюурсайханыг нэр дэвшүүлнэ хэмээн яригдаж байгаа. Харин Т.Аюурсайхан гишүүн энэ тухай "Тийм зүйл яриагүй. Саарал жагсаалтад орсонтой холбоотойгоор Сангийн сайд, Хууль зүйн сайдад хариуцлага тооцох, дипломат албаны алдаа, дутагдлуудтай холбоотойгоор Гадаад харилцааны сайдад хариуцлага тооцох асуудал яригдахын хувьд яригдаж байгаа. Хариуцсан ажил дээрээ ноцтой алдаа дутагдал гаргаад байгаа хэрнээ албан тушаалтайгаа зууралдаад байна гэдэг гутамшиг юм. Хэрэв би сайд болох байсан бол У.Хүрэлсүх Ерөнхий сайдын Засгийн газар байгуулагдах үед л орох боломжтой байсан. Миний хийж байгаа өөрчлөлт, шинэчлэлтийг парламентын гишүүний хувиар хийх бүрэн боломжтой" гэв.
Гэвч нэгэн цагт Л.Оюун-Эрдэнэ гишүүн ч гэсэн "Би сайдын албан тушаалын төлөө энэ тэмцлийг хийж байгаа юм биш. Бол гэсэн ч болохгүй" гэсээр байгаад сайд болчихсон ЗГХЭГ-ындарга болчихсон. МАН-ыхан сүүлийн үед хүнийг "Нисэхгүй нисэхгүй" гээд байхад нь "нис нис" гэсээр байгаад нисгээд алчихдаг болсон...
Сэтгэгдэл (2)