2019 оны байдлаар Нийслэлийн прокурорын газраас авлига, албан тушаалын болон мөнгө угаах, үндэслэлгүй хөрөнгөжсөн үйлдэлтэй 52 хэрэгт эрүүгийн хэрэг үүсгэж, яллагдагчаар татсан ба 28 хэрэгт яллах дүгнэлт үйлдэж, шүүхэд шилжүүлжээ.

Тухайлбал, ЖДҮХС-ийн албан тушаалтнууд, Төрийн банкны албан тушаалтнууд болон З.Баянсэлэнгэ нар, АТҮТ-ийн дэд дарга Ш.Батсайхан, Монголбанкны ерөнхийлөгч асан Н.Золжаргал, НИТХ-ын дарга асан Ц.Сандуй нар, Эрүүдэн шүүсэн хэрэг, Г.Дэнзэн, үндэслэлгүй хөрөнгөжсөн гэх Г.Батзориг, эрх мэдэл, албан тушаалаа урвуулсан гэх хэрэгт буруутгагдаж буй Ж.Отгонцэцэг нарын хэргийг шүүхэд шилжүүлсэн байна.

Мөн ХХААХҮ-ийн сайд Б.Батзориг болон дэд сайд, төрийн нарийн бичгийн дарга, ЖДҮХС-гийн мэргэжилтнүүд нийлсэн долоон хүнд холбогдох ЖДҮХС-ийн хэргийг шүүхэд шилжүүлсэн байна.

Харин Засгийн газрын хэрэг эрхлэх газрын дэд дарга асан Г.Дэнзэнг албан тушаалаа урвуулсан ашигласан хэргийн хөөн хэлэлцэх хугацаа дууссан тул УДШ-ээс хэргийг хэрэгсэхгүй болгожээ. Гэвч энэ хэрэгт яллагдагчаар татагдсан хүмүүс, Г.Дэнзэн нар гэм буруугийн асуудлаар маргаж, гэм буруутай эсэхээ шүүхээр шийдвэрлүүлнэ хэмээн шүүхэд хандсан талаар Нийслэлийн прокурорын газрын ерөнхий прокурорын орлогч Ц.Насанбат мэдээлжээ.