ОХУ-ын Төрийн Дум дэлхийн парламентын гишүүдийг хамруулан жил бүр шатрын нөхөрсөг тэмцээн, уулзалт зохион байгуулдаг уламжлалтай.
10 дахь жилдээ болсон тус тэмцээнд УИХ-ын гишүүн Б.Пүрэвдорж, Б.Саранчимэг нар оролцоод иржээ. Гишүүд тэмцээндээ амжилттай оролцож, шатрын спортоор Монголын парламентын нэрийг дэлхийд гаргалаа.
Дэлхийн олон орны 100 орчим парламентын гишүүд оролцсон тэмцээнээс УИХ-ын гишүүн Б.Пүрэвдорж эрэгтэй ангилалдаа шагналт тавдугаар байр эзэлж, уран нүүдлээрээ улсынхаа нэрийг гаргасан байна. Б.Саранчимэг эмэгтэй парламентчидаа тэргүүлж, эрэгтэй шатарчидтай өрсөлдөн 11 дүгээр байр эзэлжээ.
Уг тэмцээнд шатрын олон удаагийн дэлхийн аварга, их мастер, ОХУ-ын Төрийн Думын гишүүн А.Карпов нарын зэрэг цолтой мэргэжлийн шатарчид олон оролцсон сонирхолтой тэмцээн болсон байна.
