x

Н.Энхбаяр эргэж ирлээ

УИХ-д нэг ч суудалгүй МАХН /сонгогдсон ганц гишүүн О.Баасанхүүгээ “нэр хүнд унагасан” хэргээр намаасаа хассан/ ирэх сонгуулийнхаа тугийг атгачихлаа. “Өрх бүрт орон сууц” амласан МАХН-ын байрны гадаа өнгөрөгч баасан гаригт үнэгүй орон сууц авах гэсэн хэдэн мянган хүн дугаарлав. Нэрсээ бүртгүүлсэн хүмүүсийн тоо арван мянга хүрсэн тухай зохион байгуулагчид нь хэллээ. Гишүүн асан З.Баянсэлэнгэ “Ирэх жилийн өдийд гэхэд 50 мянган өрхийг орон сууцаар хангана” гэв. Нөгөө сонгуулийн сурталчилгаа хийдэг хуулийн хугацаа энэ тэр ч хаачлаа. Бүгд “нохойн баас” болж байгаа юм байна. Сонгогчийн  санал түүхэндээ анх удаа “хоёр өрөө байрны” үнэд хүрлээ.

Уг нь бол сонгуулийн сурталчилгааг санал авах өдрөөс 18 хоногийн өмнө эхлүүлж, нэг хоногийн өмнө дуусгах ёстой. 16 хоногийн дотор ямар юмных нь сурталчилгаа байх вэ дээ, хууль бичнэ ч гэж бас хутгачиж чадаж байгаа юм. АН-ын дарга З.Энхболд УИХ-ын дарга байхдаа өөрийнхөө намд зориулж ийм хууль батлуулаад эсрэгээрээ МАН-ыг ялуулсан билээ. Эрх барьж байгаа намын өөртөө тустай гэж хийсэн болгон эргээд өөрийг нь ороодог гэдэг.

Уг нь анх МАН “Төрийн албан хаагчийн 4000 орон сууц” гэдэг хөтөлбөр гаргаж ирж, АН түүнийг нь “100 мянган орон сууц” болгон төгөлдөржүүлсэн билээ. Гэвч өнгөрсөн 2016 оны сонгуулийн дараа МАН хөтөлбөрийг санхүүжүүлсэн Монголбанкны ерөнхийлөгчийг огцруулж хаяад ипотекийн зээлийг зогсоосон. Энэ хугацаанд 180 мянган айл өрх шинээр орон сууцанд орсон байдаг юм. Одоо 200 мянган өрх гэр хороололд амьдарч байна. Дахиад арван жил өнгөрөхөд энэ 200 мянгыг ч гэсэн орон сууцанд хамруулчих боломж байлаа. Гэвч тэгсэнгүй.

Дэлхий 50 жилийн өмнө шахмал түлшнээс татгалзсан байхад манай дарга нар өнөөдөр бидэнд “сайжруулсан түлшийг хэрхэн түлэх” талаар хичээл зааж байна. Үнэ дүн нь нэлээд хэдэн хүний амиар хэмжигдэх бололтой. Түлшээ тараачихаад дараа нь зуухаа тоолно гэдэг манайхны л санаанд бууж болох мэргэн ухаан юм даа. Угаартаад үхчихээр нь “Уг нь сайн түлш юм байгаа юм. Яаж түлдгийг нь мэддэггүй юм уу” гээд гараад явцгаасан.”Өө, зуухандаа л байсан байна штээ” гээд орж ирэх жишээтэй.

Ийм эрүүл согтуу хүмүүсийн дунд хэн илүү галзуурсан нь хожихоор харагдаж байх шиг байна л даа. Тэгээд эксийн экс Ерөнхийлөгч маань өрх бүрт үнэгүй орон сууц өгнө гэж амлав. “Хаана байна, тэр мөнгө чинь?” гэсэн чинь “Баячуудаасаа булаагаад ядуустаа өгнө” гэв. Үлгэр үнэн байх нь чухал биш, сонсголонтой байх нь чухал гэдэг байх аа.

Яг үнэндээ МАХН гэдэг нам, Н.Энхбаяр гэдэг хүн хэний ямар мөнгөөр 200 мянган айлын орон сууц барих гэж байгааг цаг дээрээ хүрвэл асууж шалгаах хүн тун цөөн. “Үнэгүй” гэвэл “авъя” гэх нь л олон. Ядуу хүнд буруу байхгүй. Харин тэднийг тийм болтол нь ядууруулсан, хамгийн гол нь ядуу сэтгэлгээтэй болгосон улстөрчдийн, улс төрийн намуудын алдаа. Н.Энхбаяр яах вэ, олз хайсан нэг панзчин л байгаа биз. 20 мянган төгрөгөөр саналаа худалддаг хүмүүст хоёр өрөө байр санал болгох юу нь буруу гэж. Тэрэндээ хүрвэл МАН яагаад  санал худалдаж авдаг, МАХН яагаад болдоггүй юм бэ гэсэн асуулт тавьж бас болно. Ингээд Н.Энхбаяр гэдэг хүн эргээд “бурхангүй газрын бумба” болчихлоо.

Хэрэвзээ өнгөрсөн хугацаанд эрх барьж байгаа нам нь нам шиг, сөрөг хүчин нь сөрөг хүчин шиг байсан бол Н.Энхбаяр гэдэг хүнээс ийм их зориг гарах байсан болов уу? Эрх барьж байгаа намын дарга нь /гудамжны дээрэмчин биш шүү дээ/ эдийн засгийн гол тэжээгч болсон уул уурхайгаа тоноод, хувийн өмчийг дээрэмдээд, нийгэмчлээд  эхлээгүй бол, сөрөг намынхан нь хошуугаа цавиндаа шургуулчихаад чимээ чагнаж хэвтээгүй бол гудамжинд яваа МАХН-ын дарга “Зайсангийнхныг хөөж гаргаад байрыг нь та нарт өгнө” гэж гэгээн цагаан өдрөөр хашгирах байсан уу?

Юу тарина, түүнийгээ хураана гэдэг байх аа.

Б.СЭМҮҮН

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (3)

  • Зочин (202.21.105.12)
    Энхбаяр ялаад гараад ирвэл үүнийг хөнгөхөөн хийчихнэ. Гол нь гадна дотны баячуулын хүчинд тулгуурлаад л хийчэх хэрэгтэй.
    2019 оны 10 сарын 17 | Хариулах
  • Enkhtaivan (66.181.179.212)
    Олз ашиг булаалдан тэмцэлдэх намуудыг олон түмний төлөө гэж бүү андуур! ОТ Эрдэнэтийг л идэх гэж СЗоригийг алж Энхбаярыг хорьсон!
    2019 оны 10 сарын 16 | Хариулах
  • Z (66.181.190.189)
    Orovdoltei zarim mongolchuud mini setgetsiin ovchtei vumuu hoorhii doo chaavaas
    2019 оны 10 сарын 14 | Хариулах
iРедакцийн сонголт
iШинэ мэдээ
ЗГХЭГ-ын даргын хэлсэн ДОЛООН ХУДАЛ 7 цаг 24 мин НҮБ: Тогтвортой хөгжлийг хангах, эрүүл мэндийг дэмжихэд 11.3 сая ам.доллар зарцуулжээ 7 цаг 34 мин ЕБС-ийн сургалтын агуулгад амьтны хүрээлэн, музейн хөтөлбөрүүдийг оруулж байна 8 цаг 36 мин Ашигт малтмалын тусгай зөвшөөрлөөр 66.1 тэрбум төгрөг төвлөрүүлжээ 8 цаг 54 мин "Титаник” киноны Рөүзийн амийг аварсан тавцанг дуудлагаар худалджээ 8 цаг 54 мин Хотын төвийн зогсоолуудад 47,400 автомашин бүтэн өдрөөр байршдаг 9 цаг 2 мин Цусны хорт хавдрыг ялан дийлсэн Икээ Парисын Олимпод өрсөлдөнө 9 цаг 14 мин Ойрын хоёр хоногтоо нутгийн зүүн хэсгээр салхитай хүйтэн байна 9 цаг 28 мин Дотоодын цэрэг өндөр чадвартай хөдөлгөөнт хүчинтэй болно 9 цаг 31 мин Голомт банк “Их засаг” олон улсын их сургуультай хамтран ажиллана 9 цаг 44 мин Гамшгийн үеийн зарлан мэдээллийн дуут дохиотой дадлага сургуулилалт хийлээ 9 цаг 48 мин Зарлан мэдээллийн дохиогоор дадлага сургуулилалт хийлээ 10 цаг 1 мин Дөрөвдүгээр сард болох үндэсний бөхийн барилдааны хуваарь 10 цаг 37 мин Өнөөдөр 16:00 цагт орон даяар гамшгийн дохио дуугарна 12 цаг 51 мин Палестиныг дэмжигчид Пентагоны шефийн гэрийн урд өтгө бууц асгажээ 12 цаг 54 мин Чингэлэг чингэлгээр зөөсөн нүүрсний мөнгийг Сү.Батболдын "бохир" мөнгөөр дарах уу? 14 цаг 2 мин Ж.Чинбүрэн: Шалгалтын ажилд санаатай саад хийж буй албан тушаалтанд хууль заасан хариуцлага тооцно 14 цаг 59 мин Н.Учрал гишүүний эргэн ирэлт ба Эмийн жорын “цахимжилт” 15 цаг 33 мин Оросын ХАБА-ны тэргүүн Бортников: АНУ, Их Британи, Украин Москвагийн террорт хамаатай 16 цаг 26 мин ОРОС дахь АЛЛАГА 17 цаг 23 мин
iИх уншсан
Хуулиар засаглах биш, хуульчдаасаа хулгайлдаг ТӨР Найруулагч П.Лхагвадулам: Сэтгэлээс гардаггүй тийм л мэдрэмж... Богд хаант Монгол төрийг устгасан нь Д.Амгалан: Хувийн хэвшлийнхэн төрийн албан хаагчдыг цалинжуу... 10 хүн угаартаж нас барсан хэргийн мөрөөр... Авилгатай тэмцэх биш, тэмцдэг тогтолцоогоо нураасан найман ж... “Улаанбаатар-2024 гэрэл зургийн өдрүүд” нэгдсэн үзэсгэлэн зо... Ж.Бат-Эрдэнэ: Төмөр зам яагаад гацсан үнэнийг одоо хэлье С.Наранцогт: Ураны төсөл зогсоогүй, ажлууд хийгдэж байгаа Ардчилал бол эзлэх ёстой өндөрлөг биш, явах ёстой зам юм Буриад Монголын зарим түүх Олон Улсын Найрамдал цогцолборт Хүүхдийн хөгжлийг дэмжих тан... Чингэлэг чингэлгээр зөөсөн нүүрсний мөнгийг Сү.Батболдын "бо... Н.Учрал гишүүний эргэн ирэлт ба Эмийн жорын “цахимжилт” ОРОС дахь АЛЛАГА Батсүмбэр сумын 100 жилийн ойн барилдаанд улсын заан Б.Серик... Дөрөвдүгээр сард ихэнх нутгаар салхи шуургатай, хүйтэн байх ... Эрчим хүчний шилжилт хийх өрхүүдийг сонгон шалгаруулж байна Маргаашнаас баруун, зүүн аймгуудад цасан шуурга шуурна Москвад болсон зэвсэгт халдлагын хариуцлагыг "Исламын улс" б...
Top