ЮНЕСКО-гийн Олон улсын ус зүйн хөтөлбөрийн 50 жил, Усны шинжлэх ухааны 60 жилийн ойн хүрээнд “Ус ба цөлжилт: Усны аюулгүй байдал ба уур амьсгалын өөрчлөлтийг даван туулах чадварыг бэхжүүлэх нь” сэдэвт олон улсын тусгай арга хэмжээг 2025 оны зургаадугаар сарын 12-ны өдөр Парис хотноо зохион байгууллаа. Уг арга хэмжээг Байгаль орчин, уур амьсгалын өөрчлөлтийн яам, Усны газар, Цөлжилттэй тэмцэх тухай НҮБ-ын конвенцын Талуудын 17 дугаар бага хурлын Бэлтгэл ажлын алба, Монгол Улсаас ЮНЕСКО-гийн дэргэд суугаа Байнгын төлөөлөгчийн газар хамтран санаачилсан байна.

Нүүрсний үнийн уналтаас болж агшиж байгаа эдийн засгаа тэлэх, валютын нөөцөө бүрдүүлэх, цаашлаад эдийн засгийн тогтвортой байдлаа хангахын тулд Засгийн газар “Алт III” хөтөлбөрийг зарлаад сар гаруйхны хугацаа өнгөрч байна. Хамтарсан Засгийн газрын эхлүүлсэн "отгон" хөтөлбөр...

Израилын Агаарын цэргийн хүчин баасан гаргийн шөнө Ираны нутаг дэвсгэрт “өрссөн цохилт” өгсөн тухай тус улсын Батлан хамгаалахын сайд Исраэль Кац мэдэгдлээ. Энэ талаар “Reuters” болон “The Times of Israel” мэдээлж, бүс нутагт онц байдал зарлагдсан болохыг нотолсон байна.

Энэтхэгийн “Air India” компанийн Лондон хотын чиглэлд хөөрсөн зорчигч тээврийн онгоц пүрэв гарагт Ахмедабад хотоос хөөрснөөс хойш удалгүй орон сууцны хороололд осолдож, онгоцонд байсан 242 зорчигчийн 241 нь амиа алдсан хүнд осол боллоо. Энэ бол тус компанийн түүхэнд тохиолдсон хамгийн ноцтой ослуудын нэг бөгөөд олон улсын анхаарлыг татаж байна.

Японы “Nintendo” компани шинэ үеийн “Switch 2” консолоо өнгөрсөн долоо хоногийн лхагва гарагт худалдаанд гаргаснаас хойш ердөө дөрөвхөн хоногийн дотор 3.5 сая гаруй ширхэгийг борлуулж, тус компанийн түүхэн дэх хамгийн хурдан борлогдсон консолын амжилтыг тогтоолоо.

Израилын зүгээс Иранд цохилт өгснөө мэдэгдсэн нь Ойрх Дорнод дахь хурцадмал байдлыг улам даамжруулж, дэлхийн газрын тосны зах зээлд хүчтэй цочрол өглөө. Үүний улмаас өнөө өглөө Brent төрлийн нефтийн үнэ таван хувиар өсөж, торх нь 73.27 ам.долларт хүрсэн нь сүүлийн хоёр сар гаруйн хугацаан дахь хамгийн өндөр түвшинд тооцогдож байна. Энэ нь дөрөвдүгээр сарын гуравнаас хойших дээд хэмжээ юм.

Монголын Хүүхэлдэйн театрын уран бүтээлчид ОХУ-ын Эрхүү хотод болсон “Байкальский Талисман” олон улсын үндэсний театруудын III наадамд амжилттай оролцож, “Морин хуур” жүжгээрээ “Серебреной Омуль” шагналын эзэн боллоо. Энэхүү бүтээл нь Соёлын тэргүүний ажилтан Т.Энэрэлийн зохиол, СТА Б.Даваасүрэнгийн найруулгаар бүтсэн бөгөөд үндэсний өнгө аясыг хүүхэлдэйн урлагаар дамжуулан гүн сэтгэгдэлтэйгээр илэрхийлсэн нь шүүгчдээс өндөр үнэлгээ авсан байна.

Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2025 оны зургаадугаар сарын 2-6-ны өдрүүдэд Говь-Алтай, Дундговь аймаг болон Чингэлтэй дүүргийн холбогдох байгууллагуудад авлигын эрсдэлийг бууруулах, шалтгаан нөхцөлийг арилгах зорилгоор зөвлөмж хүргүүллээ.

Нийгмийн даатгалын ерөнхий газрын дарга Б.Батжаргал 2025 оны зургадугаар сарын 8-нд Бүгд Найрамдах Унгар улсад ажиллаж, тус улсад оршин суугаа монгол иргэдтэй уулзалт хийж, нийгмийн даатгалын багц хуулийн хэрэгжилтийн талаар дэлгэрэнгүй мэдээлэл өглөө. Тэрээр Монгол Улс, Унгар Улс хооронд байгуулсан Нийгмийн хамгааллын хэлэлцээрийн талаар мөн танилцуулсан байна.

3,5 сая зүдүү монголчуудыг өөд нь суга татах ураны төсөл мухар төмөр зам шигээ, эрчим хүчний эх үүсвэрүүд шигээ дашин шог болно. Гэхдээ гялс дашин шог болохгүй. Янз бүрийн хууралтаар сунжирч эрчим хүч экспортлогч ах гуай хугацаагаа сунгаж, хожлоо нэмэхээр шунана. Орос эх сурвалж: Монгол улс Францын уран олборлодог Нигер биш. Канад Францыг Монголд уран олборлохыг ОХУ хэзээ ч зөвшөөрөхгүй. Ийм мөрүүд уншсанаа санаад Францтай тохиролцож буй ерөнхийлөгчийн маань ураны төсөл явдаг л байгаа даа гэж эмзэглэв. ОХУ-ын ерөнхий сайдын орлогч Виктория Абрамченко манайд морилоод Францтай хийж буй ураныхаа төслөөс татгалзвал ОХУ хариуд нь бага оврын атомын станц барьж өгье гэжээ. Ганц энэ хатгаас л ураны төслийг өлхөн суулгана. Зөнөг зохиолчид юу үнэртэв гэвэл “ураны төсөл монголчуудын хэрүүлд унтарснаас оросууд огт оролцоогүй” гэх танил комбинаци ханхлав. Төслийг зүтгүүлсэн ерөнхийлөгч маань ганцаардах вий.

Онолын бус зүйл олон нийтэд хүлээн зөвшөөрөгдөггүйг, хэчнээн том хамтрал байсан ч ард түмний хүсэл сонирхол тэнд тусаагүй л бол огцорч болдог жишээг харлаа. Олон нийтээ, сонгогчдоо битгий басамжлаарай улстөрчид өө гэдэг л агуулга энэ үйл явдлаас тод харагдлаа.

Морьт харвааны спортоор олон жил ажилласан нэгэн уяач, багшийн 18 адууг алаад махалчихсан тухай мэдээ олон нийтийг цочирдуулж байна. Тэрбээр уг хүлгүүдээ долоон жилийн турш өөрийн гараар өсгөн, сургаж, хүүхэд залуусыг монгол өв соёлд дурлуулах зорилгоор ашиглаж иржээ.

Сүхбаатар дүүргийн 11 дүгээр хороонд байрлах “Хонхрын 1000” хэмээх нэг давхар орон сууцанд нийт 16 өрх амьдарч байгаа бөгөөд эргэн тойронд өрнөж буй барилга угсралтын ажлууд тэдний амьдрах орчныг эрс хүндрүүлээд байна. Зуны улиралд тогтмол үерийн усанд автах эрсдэлтэй, эрүүл ахуйн шаардлага хангахгүй нөхцөлд амьдарч буйг оршин суугчид онцолжээ.

Баянзүрх дүүргийн 12 дугаар хороонд байрлах Жанжин клубийн авто замд хэсэгчилсэн засвар, шинэчлэлтийн ажил эхэлж, энэ хүрээнд Цагдаагийн академийн өргөн чөлөөнөөс урагш Төмөр замын нүхэн гарцын уулзвар хүртэлх 1.6 км урт замыг бүрэн хаах шийдвэр гарчээ. Уг замыг өнөөдөр буюу зургаадугаар сарын 13-ны 23:00 цагаас хааж, зургаадугаар сарын 17-ны 06:00 цагт нээх юм.

Олон улсын хэмжээнд зургаадугаар сарын 27-нд тэмдэглэдэг Бичил, Жижиг, Дунд Үйлдвэрүүдийн (БЖДҮ) өдрийг угтан Монгол Улсын Засгийн газраас энэ сарын 12-15-ны өдрүүдэд үндэсний хэмжээний үзэсгэлэн, арга хэмжээг зохион байгуулж эхэллээ. Энэхүү арга хэмжээ нь БЖДҮ-ийн тогтвортой өсөлтийг дэмжих, бүтээгдэхүүн үйлчилгээний борлуулалтыг нэмэгдүүлэх, бизнесийн түншлэл бий болгох зорилготой юм.

Цахилгаан шугам сүлжээнд засвар хийхтэй холбогдуулан дараах хаяг, бүс нутгуудад цахилгаан түр тасалдана. Иргэд та бүхэн хэрэглээгээ урьдчилан зохицуулна уу.

УДБЭТ-т жуулчдад зориулан долоодугаар сарын 1-10-ны хооронд тоглогдох “Клеопатра” жүжгийн талаар хэвлэлийн хурал зохион байгуулагдана.

Өнөөдөр 20 цаг хүртэл нутгийн төв хэсгээр үүлэрхэг, бусад нутгаар солигдмол үүлтэй цаг агаар зонхилно. Төвийн аймгуудын ихэнх нутгаар бороо орох бол говь болон зүүн аймгуудын зарим газарт түр зуурын бороо орно. Харин баруун болон бусад нутгаар бороо орохгүй, тогтуун байхаар байна.

Унгарын нийслэл Будапешт хотод зохион байгуулагдаж буй Олон улсын жүдо бөхийн холбооны (IJF) чуулганаар холбооны удирдлагын бүтцэд шинэчлэл хийж, бодлого төлөвлөлтийн олон чухал асуудлыг хэлэлцлээ. Энэ удаагийн чуулганы гол онцлох үйл явдал нь IJF-ийн тэргүүний сонгууль байсан бөгөөд Мариус Визер зургаа дахь удаагаа улиран сонгогдож, дахин дөрвөн жил холбоог удирдах эрхтэй боллоо.

“Метро ба газар доорх байгууламж – олон улсын туршлага” сэдэвт сургалт өчигдрөөс эхэлж, дэлхийн улс орнуудын инженер, эрдэмтэд туршлагаа хуваалцаж байна. Сургалтын хоёр дахь өдөр “Барилгын салбар дахь төр ба хувийн хэвшлийн түншлэл” сэдвээр олон улсын дугуй ширээний ярилцлага зохион байгуулагдаж, төр-хувийн хэвшлийн түншлэлийн (ТХХТ) бодлого, хэрэгжилтийн талаар өргөн хүрээнд хэлэлцэж байна.