2025 оны Элсэлтийн ерөнхий шалгалт өнөөдөр буюу зургаадугаар сарын 18-наас улс орон даяар эхэллээ. Боловсролын үнэлгээний төвөөс шалгалтын явцын талаар мэдээлэл өгч байна.

Сонгинохайрхан дүүргийн 3 дугаар хороонд улсын төсвийн хөрөнгөөр 21,000 ам метр талбайд задгай спорт цогцолбор барих ажил 2022 онд эхэлжээ. Тодруулбал, 2021 онд зураг төсвийг боловсруулж, 2022 онд газар чөлөөлөлтийн ажил эхэлсэн байна.

Ерөнхий сайд Г.Занданшатарын тэргүүлсэн Засгийн газрын анхны ээлжит хуралдаан өнөөдөр эхэллээ. Уг хуралдаанаар дөрвөн асуудлыг хэлэлцэж, гурван асуудалтай танилцахаар төлөвлөжээ.

Авлигатай тэмцэх газраас шалгагдсан гаалийн байцаагч нарын асуудлаар Гаалийн ерөнхий газраас (ГЕГ) мэдээлэл хийлээ. ГЕГ-ын Дотоод хяналт, аюулгүй байдлын хэлтсийн дарга Л.Очгэрэл хэлэхдээ, Гаалийн ерөнхий газрын Дотоод хяналтын хэлтэс нь албан хаагчдын сахилга ёс зүйн зөрчлийг хянах, мөн албан хаагчийн хууль ёсны эрхийг хамгаалах үндсэн үүрэгтэйгээр 2023 онд байгуулагдсан хэмээжээ.

Цагдаагийн байгууллагад өнгөрсөн амралтын өдрүүдэд буюу 06 дугаар сарын 14-16-ны өдрүүдэд зам тээврийн ослын шинжтэй 527 дуудлага, мэдээлэл бүртгэгдсэнээс нэг хүний амь хохирч, 17 хүн гэмтсэн байна.

Өнөөдөр Наран дээр хамгийн хүчтэй буюу X зэрэглэлийн дэлбэрэлт болсон тухай Нарны идэвхжилийг ажиглах төв мэдээллээ.

Нийслэлийн Статистикийн газраас махны үнийн мэдээллийг танилцууллаа. Тодруулбал, 2025 оны 06 дугаар сарын 16-ны өдрийн байдлаар хонины ястай мах нэг килограмм нь дунджаар 17080 төгрөгөөр худалдаалагдаж байна. Үхрийн ястай мах нэг килограмм нь дунджаар 21548 төгрөгийн үнэтэй байна.

Нэг грамм цэвэр элемент 10-20 мянган ам.долларт хүрдэг. Гэвч элемент тус бүрээр нь салгах нь нэлээд өндөр өртөгтэй, нарийн технологи шаарддаг учраас манайх хүдрээр нь тонныг нь 4000 ам.доллараар экспортолдог гэх. Гэтэл коксжих нүүрсний үнэ хамгийн оргил үедээ 220-230 ам долларт хүрч байв.

Монгол Улс оны эхний таван сарын байдлаар дэлхийн 142 улстай худалдаа хийсэн нь эдийн засгийн идэвхтэй харилцааг харуулж байна. Энэ хугацаанд гадаад худалдааны бараа эргэлт нийт 10 тэрбум ам.долларт хүрсэн бөгөөд үүнээс экспорт 5.4 тэрбум ам.доллар, импорт 4.5 тэрбум ам.доллар болж, худалдааны тэнцэл 884.5 сая ам.долларын ашигтай гарчээ.

Английн Лондон хотод дартсын өсвөр үеийнхний “Advanced tour-2025” дэлхийн лигийн тэмцээн энэ оны нэгдүгээр сараас эхэлж, өчигдөр дүнгээ гаргалаа.

Казахстаны нийслэл Астана хотод мягмар гарагт Төв Ази-Хятадын дээд хэмжээний хоёр дахь удаагийн уулзалт амжилттай болж өндөрлөлөө. Энэхүү чухал арга хэмжээний үеэр оролцогч талууд "Астанагийн тунхаглал" болон "Мөнхийн сайн хөршийн харилцаа, найрамдал, хамтын ажиллагааны гэрээ"-нд гарын үсэг зурж, бүс нутгийн хамтын ажиллагааг шинэ шатанд гаргах чухал алхмуудыг хийлээ.

УИХ-ын чуулганы нэгдсэн хуралдаанаар Засгийн газрын гишүүдийг томилох тухай асуудлыг хэлэлцэн шийдвэрлэсний дараа УИХ-ын дарга Д.Амарбаясгалангийн хэлсэн үгийг бүрэн эхээр нь хүргэж байна.

Хөгжлийн бэрхшээлтэй иргэдийн орчны хүртээмжийг сайжруулах томоохон зорилгоор “Гэрээсээ гарцгаая” нэртэй аяныг эхлүүлсэн байна. Энэхүү аяны хүрээнд УИХ-ын гишүүн О.Саранчулуун, Ж.Баясгалан, нийслэлийн Засаг дарга бөгөөд Улаанбаатар хотын Захирагч Х.Нямбаатар болон холбогдох албаны хүмүүс нийслэлийн нөхцөл байдалтай биечлэн танилцлаа. Аяны багийнхан нийслэлийн авто болон явган хүний зам, нийтийн тээвэр, нүхэн гарц, барилга, байшингийн орц, гарцаар хөгжлийн бэрхшээлтэй иргэд зорчиход ямар хүндрэл тулгардаг болохыг газар дээр нь судалж, тэдгээрийг хэрхэн шийдвэрлэх талаар зөвшилцсөн юм.

Нийслэлийн иргэдийн баярыг энэ сарын 28, 29-нд Хүй долоон худагт зохион байгуулахаар болжээ. Энэхүү баярын хүрээнд Үндэсний бөхийн барилдаан болох бөгөөд уг барилдаанд улс, аймаг, цэргийн болон сумын цолтой нийт 256 бөх зодоглох юм. Энэхүү барилдааныг Үндэсний их баяр наадмын сорилго гэж хэлэхэд хилсдэхгүй бөгөөд бөхчүүдийн бэлтгэл, форм зэргийг шалгах чухал боломж болно.

Бээжин хотод зохион байгуулагдсан Yongle дуудлага худалдааны үеэр Лабубу тоглоомын нэгэн онцгой бөгөөд цорын ганц хувь нь дээд үнэ хүргэн зарагджээ. Дэлхийд хосгүй гэгдэх, ногоон өнгийн, 131 сантиметр өндөртэй, өвөрмөц арзгар шүдтэй энэхүү Лабубу тоглоом 1.08 сая юаниар буюу ойролцоогоор 150 мянган ам.доллараар борлуулагдсан байна. Энэхүү үйл явдал нь цуглуулгын тоглоомын зах зээлд томоохон шуугиан тарьж, тус салбарын үнэ цэнийг дахин баталлаа.

Турк улс долоодугаар сарын эхнээс Босфор болон Дарданеллын хоолойнуудаар хөлөг онгоц нэвтрүүлэх төлбөрийг 15 хувиар нэмэгдүүлэх шийдвэр гаргажээ. Энэхүү шийдвэр нь дэлхийн худалдаа, тээвэрлэлтэд чухал үүрэг гүйцэтгэдэг эдгээр стратегийн ач холбогдолтой хоолойнуудаар өнгөрөх зардлыг нэмэгдүүлж байна.

Дэлхийн хамгийн үнэтэй хөлбөмбөгчин нь "Барселона"-гийн вингер, Испанийн шигшээ багийн тоглогч Ламин Ямаль боллоо. Түүний трансферын үнэлгээ 200 сая еврод хүрсэн байна. Transfermarkt порталын мэдээлснээр, хамгийн үнэтэй 10 хөлбөмбөгчний ихэнх нь Испанийн аварга шалгаруулах тэмцээнд тоглодог тамирчид болжээ.

Mattel компани хиймэл оюун ухааны суурьтай тоглоомуудыг бүтээхээр болжээ. Энэ зорилгоо тэд OpenAI компанитай хамтран гүйцэтгэхээр төлөвлөж байна. Reuters агентлагийн мэдээлснээр, анхны бүтээгдэхүүнээ энэ жилийн сүүл үеэр худалдаанд гаргахаар зорьж байгаа ажээ.

Шведийн хөнгөн атлетикийн тамирчин Арман Дюплантис тулгууртай харайлтаар дэлхийн шинэ дээд амжилтыг тогтоолоо. Стокгольмд зохион байгуулагдсан "Очир эрдэнийн лигийн" тэмцээний үеэр тэрбээр 6.28 метрийн өндрийг амжилттай давсан байна.

Европын Комисс (ЕК) Оросын нефтийн үнийн дээд хязгаарыг шинээр тогтоох гэж байгаа нь Европын Холбооны Оросын эсрэг хоригийн 18 дахь багцад баррель нефтийн үнийг 45 ам.доллар болгохоор тусгагдсан байна. Энхийн хэлэлцээр зогсонги байдалд орсон тул Орост шахалт үзүүлэх зорилгоор энэхүү шинэ хоригийг бэлтгэжээ. Гэсэн хэдий ч энэ нь хүлээгдэж буй үр дүнд хүргэх эсэх асуудал олон улсын шинжээчдийн дунд нээлттэй хэвээр байна.