x

Оюутолгойн гэрээнээс манай төр яг юу хүсээд байна вэ?

Өнгөрөгч мягмар гаригт хуралдсан УИХ-ын Эдийн засгийн байнгын хорооны хуралдаанаас Оюутолгойн ордын хөрөнгө оруулалтын гэрээны хэрэгжилтийг шалгахаар УИХ-аас байгуулагдсан ажлын хэсгийн дүгнэлтийг сонсох ёстой байв. Гэвч Оюутолгойн компаниас ажлын хэсгийн дүгнэлттэй танилцаж ирүүлсэн хариу тайлбартай УИХ-ын гишүүд танилцаж амжаагүй тул асуудлыг хойшлууллаа гэсэн билээ. Мөн УИХ-ын зарим гишүүд “Ажлын хэсгийнхэн бидэнд тараасан нууцын зэрэглэлтэй материалаа биднээс өмнө Оюутолгой компанид танилцуулсан байна. Үүнээс болоод төрийн нууцын зэрэглэлтэй материал Рио Тинто компанид очжээ” хэмээн бухимдсан байдаг.

Гэтэл Оюутолгой компани ч бас мөн өдөр (тавдугаар сарын 7) мэдэгдэл гаргажээ. Ажлын хэсгийнхэн нууцын зэрэглэлтэй материалыг Рио Тинтод задлав хэмээн УИХ-ын гишүүд буруутгасны дараа...

Уг мэдэгдэлд,

“УИХ-ын ЭЗБХ-ноос Оюутолгойн хөрөнгө оруулалтын гэрээний хэрэгжилтийг шалгаж, санал дүгнэлт өгөх үүрэг бүхий УИХ-ын ажлын хэсгийн танилцуулгыг Оюутолгой ХХК-д 2019 оны тавдугаар сарын 3-ны өдөр албан бичгээр нууцын зэрэглэлтэйгээр ирүүлсэн. Уг асуудлыг УИХ-ын ЭЗБХ-гоор хэлэлцэхтэй холбогдуулан Оюутолгой ХК-иас тус танилцуулгад дурьдагдсан асуудлаар богино хугацаанд багтаан хариу тайлбарыг гаргаж, 2019 оны тавдугаар сарын 6-ны өдөр ЭЗБХ-ны дарга, гишүүдэд албан ёсоор хүргүүлсэн.

Бизнесийн өндөр ёс зүй, Монгол Улсын Засгийн газартай тогтоосон туншлэлээ эрхэмлэн хүндэтгэдэг компанийн хувьд бид Оюутолгойн ордыг ашиглах хөрөнгө оруулалтын гэрээний хэрэгжилтийг шалгаж, санал дүгнэлт гаргах УИХ-ын ажлын хэсгийн үйл ажиллагаанд сүүлийн нэг жил гаруй хугацаанд дэмжлэг үзүүлж, шаардлагатай мэдээллээр хангаж ажилласан. Цаашид уг асуудлыг УИХ-ын бүтцийн байгууллагаар хэлэлцэх үйл явцыг хүндэтгэн дагаж, шаардлагатай тохиолдолд нэмэлт мэдээлэл, тайлбар тодруулгыг өгөхөд бэлэн байна” гэсэн байна.

Үүнээс үзвэл УИХ-ын ажлын хэсэг Оюутолгойн гэрээний хэрэгжилтийг шалгахаар сүүлийн нэг жил гаруйн хугацаанд ажилласан юм байна. Тэгээд гаргасан дүгнэлтээ (УИХ-аар хэлэлцэх болсонтой холбогдуулан) Оюутолгой компанид мөн хүргүүлсэн юм байна. Ингэхдээ “нууцын зэрэглэлтэй” гэж илгээжээ. Яагаад ил тод байгуулсан гэрээний хэрэгжилт “нууцын зэрэглэлтэй” болчихсоныг зөвхөн ажлын хэсгийнхэн л тайлбарлаж чадах байх даа. Харин Оюутолгой ХК-иас гаргасан мэдэгдлээс үзвэл тэд үүнийг нуух сонирхолгүй (эсвэл нуугаад байх зүйл ч байхгүй) бололтой.

Ажлын хэсгийн ахлагч Д.Тэрбишдагвын хэлснээр тэд 2018 оны наймдугаар сард эхний дүгнэлтээ гаргасан. Байнгын хорооны даргад мөн оны арваннэгдүгээр сард дүгнэлтээ өгсөн. Энэ оны хоёрдугаар сард ҮАБЗ-д мөн өгсөн байна. Харин Байнгын хорооны зүгээс “УИХ-ын даргын захирамжаар ажлын хэсэг байгуулсан учраас УИХ-ын даргын захирамжийг авна” гээд хэлэлцэхгүй өнөөдрийн хүрсэн гэв. Мөн ажлын хэсэг ажлаа хийгээд нэгэнт дууссан гэдгийг ч тэр бас хэлсэн байна.

Харин нууцын зэрэглэлтэй шинэ материалууд гээд байгаа нь аудит, АТГ, Засгийн газраас мөн энэ асуудал дээр ажлын хэсгүүд гаргаж, шалгалтын материалаа УИХ-ын гишүүдэд өгсөн юм байна. Мэдээж Оюутолгойд биш, Рио Тинтод бүр ч биш. Тэгэхээр ажлын хэсгийн дүгнэлтийг хэлэлцэхгүй уяж байгаа хүмүүс нь УИХ өөрөө бололтой. Харин яагаад гэдэг нь сонирхолтой байна. Ажлын хэсэг дүгнэлтээ УИХ-д өгсөнөөс хойш бүтэн зургаан сар өнгөрчихөөд байхад шүү дээ. Эсвэл асуудал гэрээний хэрэгжилтэд биш, огт өөр зүйлд байна уу?

АТГ газар жишээ нь одоогоос жил гаруйн өмнө уг гэрээг байгуулсан С.Баяр, С.Баярцогт, Дубайн гэрээний асуудлаар Ч.Сайханбилэгийг цагдан хорьж байсан шүү дээ. Гэхдээ тэд одоо суллагдсан. АТГ тэдэнд тохсон хэргээ нотолж чадаагүй гэсэн үг. Харин шинээр томилогдсон АТГ-ын дарга Оюутолгойн гэрээний асуудлаар дахиад нэг “улс төрийн” акци хийх ёстой юм болов уу? УИХ яг юу хүлээгээд байгаа юм бэ?

Одоогийн УИХ-ын гишүүдийн хамгийн ихээр мөрөөдөж ирсэн зүйл нь (эсвэл угаасаа тийм бодолгүйгээр зүгээр л ярьдаг) “Оюутолгойн гэрээ Монголд ашиггүй байна, өөрчлөх ёстой” гэдэг. Гэхдээ яагаад ашиггүй вэ? гэхээр тодорхой зүйл хэлж чаддаггүй. Сүүлдээ гэрээ байгуулсан нөхдийг “авилга авсан байх” гээд шоронд хийсэн. Тэр нь ч гэтэл хэрэг бололгүй замхарлаа.

Харин нөгөө талд эдийн засагчид, мэргэжилтнүүд “Оюутолгойн орд Монголд үр ашгаа өгсөн. Сүүлийн 30 жилд байгаагүй том бүтээн байгуулалт болсон. Гэрээ байгуулсны дараа Монголын эдийн засаг урьд байгаагүй хэмжээгээр тэлж, төсвийн орлого дөрөв дахин нэмэгдсэн, найман тэрбум ам.долларын шууд хөрөнгө оруулалт хийгдсэн” гэж яриад байдаг.

Ингэхэд манай парламент Оюутолгойн гэрээний хэрэгжилтээс (ажлын хэсгийн шалгалтаас) яг ямар үр дүн хүсээд байгаа юм бэ? Хэрвээ хүссэн үр дүн нь гарахгүй бол ажлын хэсгийн дүгнэлтийг хэлэлцэхгүй гэсэн үг үү? Эсвэл шинээр томилогдсон УИХ-ын дарга нь өмнөх ажлын хэсгээ татан буулгаад дахиад ажлын хэсэг байгуулах юм уу?

Оюутолгойн гэрээнд өөрчлөлт оруулж болно оо. Гэхдээ өөрчлөлт оруулах шалтгаан, үндэслэл нь тодорхой байх ёстой. Түүнээс гадна гэрээ байгуулсан хоёр тал хоёулаа хүлээн зөвшөөрсөн байх ёстой. Зарчмын том тохиролцоогоо хөндөж болохгүй шүү л гэж мэргэжлийнхэн хэлээд байгаа. Харин манай төрийнхөн яг юуг хүсээд байгаа юм бэ? гэдэг нь тун ойлгомжгүй байна.

Уг нь бол Засгийн газар  гэрээ байгуулсны хувьд Засгийн газар өөрсдөө гэрээнийхээ хэрэгжилтийг дүгнэх ёстой. Шаардлагатай гэвэл УИХ тэрийг нь авч танилцаад, үр ашигтай байна, үгүй байна, өөрчлөх ёстой, үгүй гэдгийг ярих ёстой. Гэтэл Засгийн газар нь өөрөө ажлаа хийхгүй, хүний гараар могой бариулчих санаатай л хэсэг бүлэг хүмүүс суугаад байх шиг. 

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
Элрэн баларч буй Л.Оюун-Эрдэнийн цаг хугацаа 7 цаг 39 мин “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүлэв 9 цаг 13 мин Монгол Улсын Засгийн газар, НҮБ-ын хамтарсан удирдах хорооны хуралдаан боллоо 9 цаг 38 мин Шар усны үерийн аюулаас урьдчилан сэргийлнэ үү! 9 цаг 56 мин П.Сайнзориг: Шинэ Зуунмод дагуул хотыг байгуулснаар Улаанбаатарын төвлөрөл, түгжрэл бүрэн шийдэгдэхгүй 10 цаг 13 мин Өнөөдөр нутгийн зүүн хэсгээр салхитай хүйтэн байна 10 цаг 32 мин ЗГХЭГ-ын даргын хэлсэн ДОЛООН ХУДАЛ 22 цаг 56 мин НҮБ: Тогтвортой хөгжлийг хангах, эрүүл мэндийг дэмжихэд 11.3 сая ам.доллар зарцуулжээ 23 цаг 6 мин ЕБС-ийн сургалтын агуулгад амьтны хүрээлэн, музейн хөтөлбөрүүдийг оруулж байна Өчигдөр 18 цаг 41 мин Ашигт малтмалын тусгай зөвшөөрлөөр 66.1 тэрбум төгрөг төвлөрүүлжээ Өчигдөр 18 цаг 24 мин "Титаник” киноны Рөүзийн амийг аварсан тавцанг дуудлагаар худалджээ Өчигдөр 18 цаг 24 мин Хотын төвийн зогсоолуудад 47,400 автомашин бүтэн өдрөөр байршдаг Өчигдөр 18 цаг 16 мин Цусны хорт хавдрыг ялан дийлсэн Икээ Парисын Олимпод өрсөлдөнө Өчигдөр 18 цаг 04 мин Ойрын хоёр хоногтоо нутгийн зүүн хэсгээр салхитай хүйтэн байна Өчигдөр 17 цаг 50 мин Дотоодын цэрэг өндөр чадвартай хөдөлгөөнт хүчинтэй болно Өчигдөр 17 цаг 47 мин Голомт банк “Их засаг” олон улсын их сургуультай хамтран ажиллана Өчигдөр 17 цаг 34 мин Гамшгийн үеийн зарлан мэдээллийн дуут дохиотой дадлага сургуулилалт хийлээ Өчигдөр 17 цаг 30 мин Зарлан мэдээллийн дохиогоор дадлага сургуулилалт хийлээ Өчигдөр 17 цаг 17 мин Дөрөвдүгээр сард болох үндэсний бөхийн барилдааны хуваарь Өчигдөр 16 цаг 41 мин Өнөөдөр 16:00 цагт орон даяар гамшгийн дохио дуугарна Өчигдөр 14 цаг 27 мин
iИх уншсан
Найруулагч П.Лхагвадулам: Сэтгэлээс гардаггүй тийм л мэдрэмж... Чингэлэг чингэлгээр зөөсөн нүүрсний мөнгийг Сү.Батболдын "бо... ОРОС дахь АЛЛАГА Н.Учрал гишүүний эргэн ирэлт ба Эмийн жорын “цахимжилт” 10 хүн угаартаж нас барсан хэргийн мөрөөр... Авилгатай тэмцэх биш, тэмцдэг тогтолцоогоо нураасан найман ж... “Улаанбаатар-2024 гэрэл зургийн өдрүүд” нэгдсэн үзэсгэлэн зо... Ж.Бат-Эрдэнэ: Төмөр зам яагаад гацсан үнэнийг одоо хэлье С.Наранцогт: Ураны төсөл зогсоогүй, ажлууд хийгдэж байгаа Ардчилал бол эзлэх ёстой өндөрлөг биш, явах ёстой зам юм Буриад Монголын зарим түүх Олон Улсын Найрамдал цогцолборт Хүүхдийн хөгжлийг дэмжих тан... Элрэн баларч буй Л.Оюун-Эрдэнийн цаг хугацаа ЗГХЭГ-ын даргын хэлсэн ДОЛООН ХУДАЛ Дөрөвдүгээр сард ихэнх нутгаар салхи шуургатай, хүйтэн байх ... Батсүмбэр сумын 100 жилийн ойн барилдаанд улсын заан Б.Серик... Маргаашнаас баруун, зүүн аймгуудад цасан шуурга шуурна Москвад болсон зэвсэгт халдлагын хариуцлагыг "Исламын улс" б... Японд болсон газар хөдлөлтөөс хүчтэй хөдлөлт манай оронд дөр... Монгол Улсын Ерөнхийлөгч У.Хүрэлсүх ОХУ-ын Ерөнхийлөгч В.Пут...
Top