Хангайн бүсийн зөвлөлийн анхдугаар хуралдаанд оролцсон Байгаль орчин, хүнс, хөдөө аж ахуйн сайд С.Одонтуяа Хархорум хотод цаг уурын радарын станц байгуулах шаардлагатайг онцолж, энэ талаар Засгийн газрын хуралдаанд танилцуулж, шийдвэрлүүлэхээ илэрхийллээ.
Тэрбээр “Бүсийн хөгжлийг төлөвлөхдөө байгаль орчны асуудлыг орхигдуулж болохгүй. Уур амьсгалын өөрчлөлтөөс үүдэлтэй гамшигт үзэгдлийн эрсдэлийг бууруулахын тулд эрт сэрэмжлүүлэх тогтолцоог бэхжүүлэх ёстой” хэмээн тодотгосон юм.
Хархорумд цаг уурын радарын станц байгуулагдсанаар Архангай, Өвөрхангай, Баянхонгор аймгийн ихэнх сум, мөн Дундговь, Өмнөговь, Төв, Завхан аймгийн зарим сумын нутагт аюулт цаг агаарын үзэгдлээс эрт сэрэмжлүүлэх техник, мэдээллийн чадамж сайжрах юм.
Мөн хуралдааны үеэр Байдрагийн усан цахилгаан станцын төслийг эхлүүлэх асуудлыг судалж, холбогдох шийдвэр гаргахыг үүрэг болгожээ.
Эх сурвалж: Засгийн газрын хэвлэл мэдээлэл, олон нийттэй харилцах газар.
