Засгийн газрын 2024 оны үйл ажиллагаа, хөгжлийн төлөвлөгөөний гүйцэтгэл шүүмжлэл дагуулав

2025/03/26

2025 оны гуравдугаар сарын 25-ны өдөр Улсын Их Хурлын Төрийн байгуулалт болон Эдийн засгийн байнгын хорооны хамтарсан хуралдаан болж, Монгол Улсыг 2021–2025 онд хөгжүүлэх таван жилийн үндсэн чиглэл, Засгийн газрын 2024–2028 оны үйл ажиллагааны хөтөлбөрийн 2024 оны гүйцэтгэлийн тайлан, Монгол Улсын хөгжлийн 2024 оны төлөвлөгөөний гүйцэтгэлийн тайланг хэлэлцлээ. Энэ асуудлыг 2025 оны гуравдугаар сарын 18-нд хэлэлцэж эхэлсэн ч УИХ дахь АН-ын бүлэг завсарлага авч, хэлэлцүүлэг түр хойшлогдсон байсан юм.

Хэлэлцүүлгийн үеэр УИХ-ын гишүүн Г.Лувсанжамц төлөвлөгөө, хөтөлбөрийн шалгуур үзүүлэлтүүд нь тодорхой бус, хэмжих боломжгүй байгааг шүүмжлээд, 100 хувийн биелэлтээр дүгнэсэн арга хэмжээ бодит байдлаас зөрж байгааг онцлов. Тэрбээр цахилгаан халаагуур хэрэглэдэг айлуудын зардал нэмэгдсэн, төрийн өмчит компаниудын засаглал үр ашиггүй хэвээр байгааг дурдан, авлигыг 100 хувь бууруулсан гэх үнэлгээ нь бодит байдалд нийцэхгүй гэж мэдэгдлээ.

Засгийн газрын хэрэг эрхлэх газрын дарга Н.Учрал хариу тайлбар хийхдээ, тайланд туссан “100 хувь биелэлт” гэдэг нь тухайн оны хүрээнд төлөвлөсөн шат дараалсан ажлын гүйцэтгэлийг хэлж буй болохоос ажлын эцсийн үр дүнг илэрхийлдэггүй хэмээн тодотгов. Мөн Хяналт хэрэгжүүлэх газар эцсийн үнэлгээг хийж буйг тайлбарлалаа.

Эрчим хүчний яамны Төрийн нарийн бичгийн дарга Н.Тавинбэх “эрчим хүчний эдийн засгийн үр ашгийг нэмэгдүүлэх” зорилтыг хэрэгжүүлэх хүрээнд тарифын индексжүүлэлт хийсэн тул 100 хувийн биелэлтээр дүгнэсэн гэж хариулав. Харин олон гишүүн энэ нь хэрэглэгчдэд нэмэлт ачаалал болж байгааг сануулав.

Хяналт, үнэлгээний Үндэсний хорооны дарга Э.Одбаяр бодлого, төлөвлөлт, гүйцэтгэлийн хяналтыг уялдуулах зорилгоор хяналт-шинжилгээ, үнэлгээний цогц системийг нэвтрүүлэхээр ажиллаж буйг танилцуулсан бол Байнгын хорооны дарга Ж.Бат-Эрдэнэ тайлангийн үнэлгээ бодит бус, гишүүдийн асуултад тодорхой хариу өгөөгүй байгааг шүүмжилж, шаардлагатай бол холбогдох журам, хуулийн өөрчлөлт боловсруулж танилцуулахыг үүрэг болголоо.

Эцэст нь, Монгол Улсыг 2021–2025 онд хөгжүүлэх үндсэн чиглэл, Засгийн газрын 2024–2028 оны үйл ажиллагааны хөтөлбөр, хөгжлийн 2024 оны төлөвлөгөөний гүйцэтгэлийн тайланг хэлэлцсэн талаарх санал, дүгнэлтийг УИХ-ын чуулганы нэгдсэн хуралдаанд танилцуулахаар тогтов.

Эх сурвалж: Улсын Их Хурлын Хэвлэл мэдээллийн газар.

iСанал болгох

Арванхоёрдугаар сарын дунд үеэр хүйтний эрч түр суларна

Ханиад, томуугийн үед баримтлах дархлаа дэмжих зөвлөмж

Хан-Уул дүүргийн баригдаж буй барилгад гарсан галыг унтраахаар алба хаагчид ажиллаж байна

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

iРедакцийн сонголт

Хөгжлийн чөдөр бол бидний мулгуу тархи

iШинэ мэдээ

Оюу толгойн сонсголд дуудагдсан гэрчүүдийн 70 хувь нь сонсголд оролцжээ 1 мин Хөгжлийн чөдөр бол бидний мулгуу тархи 14 мин Д.Сүнжид: Олонход зориулаад цөөнхөө хаях нь хүний эрхийн мэдрэмжгүй үйлдэл 25 мин "ONE Championship" алтан бүсүүд анх удаа нэг дор дэлгэгдэнэ 41 мин Улаанбаатарт өдөртөө 15 хэм хүйтэн 1 цаг 48 мин “Alexa”-гийн хэрэглэгчид 2025 онд хамгийн их асуусан асуултуудаа зарлалаа 17 цаг 53 мин Хатгал–Улаанбаатарын чиглэлд том оврын автобус тогтмол явж эхэллээ 17 цаг 55 мин Монголчуудын уламжлалт хувцас, гоёлын 100 гаруй үзмэрийг дэлгэв 17 цаг 56 мин Балбын Z үеийнхний жагсаал 586 сая ам.долларын хохирол учруулжээ 17 цаг 57 мин “Энержи”, “Мегастарс”, “Бакс” багууд Хөгжлийн лигийг тэргүүлж байна 18 цаг 13 мин “Ундраа” хүүхдийн зусланг хувьчилсан шийдвэрүүдийг хүчингүй болгох шаардлагатай гэж АТГ дүгнэв 18 цаг 14 мин ХУД-ийн 20-р хороонд баригдаж байсан авто худалдааны төвийн барилгад гарсан галыг бүрэн унтраав 18 цаг 15 мин Г.Занданшатар: Хүнсний хувьсгалыг үргэлжлүүлж, Монголыг хүнс экспортлогч болгоно 18 цаг 17 мин Улаанбаатарт шөнөдөө 26 хэм хүйтэн 20 цаг 32 мин Нийслэлийн нийтийн байруудад эрүүл ахуй, аюулгүй байдлын шалгалт эхэллээ 20 цаг 34 мин Евразийн эдийн засгийн холбоотой хийх худалдааны түр хэлэлцээрийг дэмжлээ 20 цаг 47 мин Гадаад зээллэгийн ашиглалт, үр ашгийг нэмэгдүүлэх тухай хуулийн төсөл өргөн мэдүүллээ 20 цаг 49 мин Стратегийн ач холбогдол бүхий бүтээгдэхүүний хангамжийг дэмжих хуулийг баталлаа 20 цаг 50 мин Шилдэг залуу эрдэмтэн, эмч нарт Ерөнхийлөгчийн нэрэмжит шагнал гардууллаа 20 цаг 51 мин Налайх дүүрэгт орон сууцны орчны тохижилтын ажил бүрэн дууслаа 20 цаг 53 мин

iИх уншсан

Олон жилийн “олиг” буюу Оюу толгойг тойрсон хоёр лиценз Татварын реформоо мартаж, хувийн хэвшлийнхний өмнө нүглээ на... “Худал хуурмаг”-тай хамтдаа хорвоог туулах нь Л.Эрдэнэчимэг: Татварын дарамтаас болоод бизнесүүд цэцэглэж ... Тэд өөрсдийгөө яая гэж байна. Харин бидэнд олон тулгуурт бод... Д.Батбаяр: Эдийн засгийн болон сангийн бодлогоо бид өөрчлөх ... Сон Хён Минийг сүрдүүлсэн хоёр этгээдэд хорих ял оноов Улсаа дампууруулчихлаа, гэхдээ хариуцлага хүлээхгүй л дээ О.Уранбаяр Токиогийн “Их дуулга”-аас хүрэл медаль хүртлээ Метроны барилга ирэх зургадугаар сард эхэлж, 2030 онд ашигла... АНУ хоригоо сулруулж, “Nvidia”-д Хятадад чип худалдаалах эрх... Гадаадад ажиллаад ирсэн иргэдэд зориулсан “Хөдөлмөр-Хөгжил” ... Шинэ жилийн үеэр автомашины тэгш, сондгой хязгаарлалт хийх э... DeepSeek-ийн бүтээгчид Nature-ийн “2025 оны нөлөө бүхий шинж... Гадаад зээллэгийн ашиглалт, үр ашгийг нэмэгдүүлэх тухай хуул... Шилдэг залуу эрдэмтэн, эмч нарт Ерөнхийлөгчийн нэрэмжит шагн... Онлайн мөрийтэй тоглоомд 110 сая төгрөгөө алдсан хэрэг бүртг... Элэг, бөөр хэрэгтэй 1000 гаруй иргэн донорын дутагдлаас болж... Сангийн яам татварын бодлогын байр сууриа илэрхийлэв Хятадын экспорт 11 дүгээр сард 5.9%-иар өсөж, 330 тэрбум ам....