x

Ж.Мөнхбат уучлалт гуйв

УИХ-ын чуулганы хуралдаан завсарлалаа. Үдээс хойш 15.00 цагаас Засгийн газрыг огцруулах эсэх асуудлыг  үргэлжлүүлэн хэлэлцэнэ.

Үдээс өмнөх хэлэлцүүлгийн үеэр УИХ-ын гишүүн Ж.Мөнхбат Ерөнхий сайд У.Хүрэлсүх нар ам зөрөв. Ж.Мөнхбат нь намын даргаасаа "Өчигдөр намайг болон нэр бүхий гишүүдийг намаас хөөсөн байна лээ. Намаас хөөхөөс би айхгүй. Үгээ хэлж байгаад дуусна. "Миний дүү энэ хүмүүсийг шүүрдэх жагсаал зохион байгуулж өгөөч" гэж байсан чинь саяхан. Таны захиалгаар би энэ хүмүүсий зургийг шатааж, шүүрдэж байсан. Тэрнийхээ төлөө энэ хүмүүсээс уучлал гуйя. Энэ үйл явдлаас болж МАН хоёр хуваагдсан юм. 2016 оны сонгуульд нам У.Хүрэлсүхийг Хэнтийд нэр дэвш гэхэд татгалзаж, гардан тулаанаас зугтаасан. Орондоо Д.Гантулгыг дэвшүүлсэн. Одоо нөхөн сонгууль болбол та нэр дэвших үү? 2020 онд нам ялагдвал Австрали руу дахиад зугтаах уу" хэмээн шалав.

Ерөнхий сайд У.Хүрэлсүх хариуд нь "1990 оноос хойш би энэ намд зүтгэж байна. Тэр үед миний дүү сураггүй байсан шүү. Би чамайг Солонгосоос олж авчирсан байх шүү, миний дүү. Би чиний талаар зөндөө зүйл мэднэ, хүний тусыг битгий мартаж байгаарай. Намаас хөөх асуудлыг би шийдэхгүй, намын Хяналтын хороо шийднэ. Гэхдээ хасах хүмүүсийн жагсаалтыг би гаргана. Би төрдөө ч, намдаа ч цэвэрлэгээ хийнэ. 2020 онд ялагдвал ялагдана л биз. Ялагдлаас айдаг жижигхэн хүн би биш. Чи бол их баялаг түүхтэй хүн шүү. Чамайг бодсондоо ард түмний өмнө дуугүй байгаа шүү" хэмээн сануулав.

Солонгосоос авчирсан гэдэг нь НАМЗХ-ынхан Хадгаламж банкны мөнгөөр казинодсон эртний хэргийг сануулав бололтой. Энэ хэргийн улмаас бол улсад 14 тэрбум төгрөгийн хохирол учирсан ч банкны захирал, нягтлан хоёр шоронд сууж, УИХ-ын гурван гишүүний /Т.Бадамжунай, Г.Занданшатар, У.Хүрэлсүх/ бүрэн эрхийн асуудал Халдашгүй байдлын дэд хороогоор орж байлаа. Харин тэр үед НАМЗХ-ы ерөнхийлөгч асан Ж.Мөнхбатыг экс ерөнхийлөгч У.Хүрэлсүх биеэрээ хаагаад өнгөрсөн нь үнэн байх. Энэ мэтчилэн “тэргэний дугуй шиг” хөтлөлцөж явсан ах, дүүс түмний өмнө булайгаа дуудалцаж байна даа.

Б.Гал

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (2)

  • зочин
    ер нь хадгаламж банкны 14 тэрбумыг дахиж задалбал үнэн мөнөө олоход зөв байх шүү
    2018 оны 11 сарын 30 | Хариулах
  • Zochin
    Ene baitugai l duudaltsah bh daa.haanaas yu ch garch irj boloh bolohoor beltgeltei bsan ni deer bh daa ard tumen mini
    2018 оны 11 сарын 30 | Хариулах
Top