Улсын Их Хурлын Аж үйлдвэржилтийн бодлогын байнгын хорооны гишүүд 2025 оны нэгдүгээр сарын 30-ны өдөр Аж үйлдвэр, эрдэс баялгийн яаманд ажиллаж, салбарын бодлогын хэрэгжилт, үйл ажиллагаатай танилцлаа.

Аж үйлдвэржилтийн бодлогын байнгын хорооны дарга С.Ганбаатар, Улсын Их Хурлын гишүүн Д.Батбаяр, Ж.Золжаргал, Д.Жаргалсайхан, Г.Очирбат, С.Замира, Б.Пунсалмаа, Б.Тулга, Д.Пүрэвдаваа нар энэ үеэр Аж үйлдвэр, эрдэс баялгийн сайд Ц.Туваан болон яамны удирдлагууд, төрийн болон хувийн хэвшлийн төлөөлөлтэй уулзалт хийж, санал солилцсон байна.

Аж үйлдвэржилтийн бодлого, томоохон төслүүдийн явц

Аж үйлдвэр, эрдэс баялгийн сайд Ц.Туваан уулзалтаар төрөөс үйлдвэрлэл, технологийн паркийн талаар баримталж буй бодлого, хэрэгжилтийн явц-ыг танилцуулжээ.

Тэрбээр Засгийн газрын 2024-2028 оны үйл ажиллагааны хөтөлбөрт туссан 14 мега төслийн 7 нь тус яамны эрхлэх асуудлын хүрээнд хамаарч буйг онцолж, нүүрс-хими, кокс-химийн, гангийн болон зэс боловсруулах цогцолбор байгуулах ажлыг эрчимжүүлэх Засгийн газрын албан даалгавар гарсан талаар мэдээлэл өгсөн байна.

Үйлдвэрлэл, технологийн паркийн төслүүд

Уулзалтад төрийн өмчит, хувийн хэвшлийн болон орон нутгийн өмчит үйлдвэрлэл, технологийн паркуудын төлөөлөл оролцож, үйл ажиллагаагаа танилцууллаа.

• Төрийн өмчит парк: “Эрдэнэс Монгол” ХХК-ийн дэргэдэх “Эрдэнэс ҮТП” компанийн хэрэгжүүлж буй 6 төрийн өмчит үйлдвэрлэл, технологийн парк
• Хувийн хэвшлийн парк: Дорноговь аймгийн Алтанширээ сумын нутагт хэрэгжиж буй “Алтанширээт ҮТП”
• Орон нутгийн өмчит парк: Барилгын материалын “Налайх ҮТП”

УИХ-ын гишүүдийн байр суурь

Аж үйлдвэржилтийн бодлогын байнгын хорооны гишүүд үйлдвэрлэл, технологийн паркийн эрх зүйн орчин, Засгийн газраас явуулж буй бодлогын хэрэгжилт-ийн талаар байр сууриа илэрхийлжээ.

Гол саналууд:

• Үйлдвэрлэл, технологийн паркуудын үйл ажиллагааг эрчимжүүлэх
• Хууль, эрх зүйн орчны зөрчлийг арилгах
• Нэгдсэн бодлого, чиглэлтэй хөгжүүлэх

Улсын Их Хурлын гишүүд эдгээр чиглэлээр салбарын яам, аж ахуйн нэгж, байгууллагуудтай хамтран ажиллахаа илэрхийлсэн гэж Улсын Их Хурлын Хэвлэл мэдээллийн газраас мэдээлэв.