УИХ-аас баталсан Улс төрийн намын санхүүжилтийн тухай хуульд зааснаар ирэх оноос эхлэн УИХ-д суудалтай намууд төсвөөс санхүүжилт авч эхэлнэ. Ингэхдээ УИХ-ын сонгуульд иргэдээс авсан саналын тоо болон авсан суудлын тоогоор санхүүжилтыг олгох бөгөөд одоогоор УИХ-д суудалтай долоон нам, нэг эвсэл төсвөөс санхүүжилт авах юм байна.
СЕХ-ноос гаргаж өгсөн санал хураалтын дүн болон УИХ дарь суудлын тоог харьцуулсны үндсэн дээр:
- Монгол Ардын Нам - 2,803,290.600
- Ардчилсан Нам - 2,140,069.800
- ХҮН Нам - 630,666,300
- Үндэсний Эвсэл - 314,146,800
- Иргэний Зориг Ногоон Нам - 306,191,800 төгрөгийн санхүүжилт авахаар болсон байна.
Намуудад олгох энэхүү санхүүжилтийн 25 хувийг эмэгтэйчүүд, ахмад настан, хөгжлийн бэрхшээлтэй иргэдийн улс төрийн оролцоог нэмэгдүүлэхэд, 15 хувийг гишүүдийнхээ улс төрийн боловсролын дээшлүүлэхэд, 15 хувийг намын дотоод сургалт, судалгааг боловсронгуй болгоход зарцуулахаар хуульчилсан бөгөөд төсвөөс олгож байгаа энэхүү санхүүжилт нь улс төрийн намуудыг төлөвшүүлэхэд төсвөөс буюу татвар төлөгчдөөс олгож буй дэмжлэг юм. Улс төрийн намуудад төсвөөс өгч буй санхүүжилтыг УИХ-ыг сонгуулийн дараа жилээс дараагийн сонгуулийн жил хүртэл дөрвөн жилийн хугацаатай олгоно.
Мөн намуудын санхүүжилт, түүний зарцуулалтад тавих хяналт, хариуцлага тооцох механизмыг нь хууль тодорхой заасан байна. Тухайлбал, санхүүгийн тайлангаа СЕХ-нд гаргаагүй санхүүжилтийг зогсоох, хоёр жил дараалан тайлан гаргаагүй бол тухайн намыг идэвхгүйд тооцох санал гаргах зэрэг арга хэмжээ авах юм байна.
