УИХ-ын 2024 оны ээлжит сонгуульд 2.2 сая иргэн саналаа өгөхөөс 1.4 сая нь саналаа өгч, 69.3%-ийн ирцтэйгээр өндөрлөлөө.

Урьдчилсан дүнгээр парламентад МАН 67, АН 43, ХҮН 8, ИЗНН 4, Үндэсний Эвсэл 4 суудал аваад байна.

Сонгуулийн тухай хуульд 2024 оны ээлжит сонгуулиар нийт нэр дэвшигчийн 30-аас доошгүй хувь нь аль нэг хүйсийнх байх заалттай. Энэ удаагийн сонгуульд урьдчилсан байдлаар ялалт байгуулсан 126 нэр дэвшигчийн 32 нь эмэгтэй буюу 25%-ийг эзэлж байна.

УИХ-ын гишүүн Ч.Ундрам, С.Одонтуяа, Х.Булгантуяа, Гадаад хэргийн сайд Б.Батцэцэг, Соёлын сайд Ч.Номин нар дахин олонхын санал авчээ.

Мөн ХНН-ын сайд асан Н.Ариунзаяа, сэтгүүлч Л.Мөнхбаясгалан, Ховд аймгийн Засаг дарга Э.Болормаа, Сүхбаатар дүүргийн Засаг дарга Х.Болормаа, Г.Батхүү агсны дүү П.Батчимэг, М.Нарантуяа/Нара/, НЗД-ын орлогч О.Номинчимэг, УИХ-ын гишүүн асан А.Ундраа, Z generation үеийн төлөөлөл С.Цэнгүүн, УИХ-ын дарга асан Р.Гончигдоржийн охин Уянгахишиг, Эдийн засаг, хөгжлийн сайд асан Н.Батбаярын охин Жаргалан, “М-Ойл”-ын М.Пунсалмаа нар парламентад шинээр орж ирж байна.