Засгийн газрын өнөөдөр болсон ээлжит бус хуралдаанаар ХХААХҮ-ийн дэд сайдаар М.Ганхүлэгийг томиллоо.
Түүнийг МАН-ын Удирдах Зөвлөлийн хурлаар нэр дэвшүүлээд байсан юм. Тэрбээр 1990 онд төржээ.
М.Ганхүлэгийн хувьд хөдөө аж ахуйн эдийн засагч мэргэжилтэй.
-
МАН-ын Хэрэг эрхлэх газрын Улс төрийн бодлогын газрын дарга,
-
Нийгмийн Ардчилал, Монголын Оюутны Холбооны ерөнхийлөгч,
-
Ерөнхий сайд Л.Оюун-Эрдэнийн хөдөө аж ахуй, залуучууд, цахим шилжилтийн асуудал хариуцсан зөвлөхөөр ажиллаж байв.
Харин өнөөдөр ХХААХҮ-ийн дэд сайдаар ажиллаж байсан Ж.Бат-Эрдэнийг МАН-ын УЗ-ийн хурлаар чөлөөлсөн байна. Түүнийг Зам, тээврийн хөгжлийн дэд сайдаар ажиллаж байхдаа албан тушаалаа урвуулан ашиглаж, Улаанбаатар-Дархан чиглэлийн авто замын ажилд бусдад давуу байдал олгосон, үндэслэлгүйгээр хөрөнгөжсөн байж болзошгүй гэсэн үндэслэлээр цагдан хориод байгаа билээ.
