АН-ын Үндэсний бодлогын хороо өнгөрсөн долоо хоногт хуралдаж, хуралдаанаар тус намын гишүүд Үндэсний бодлогын хорооны дэд даргаар Ерөнхий сайд асан Ч.Сайханбилэгийг томилжээ. 

Энэ талаар АН-ын дарга С.Эрдэнэ өнөөдөр мэдээлэв.

Тэрээр "Өнгөрсөн долоо хоногт АН-ын Үндэсний бодлогын хорооны хуралдаанаа хийсэн. Шинэ дүрмийнхээ хүрээнд бүтэц, зохион байгуулалтын өөрчлөлтийг хийж байна. Цаашид УИХ-ын чуулганы хуралдааны явц, байнгын хороодын үйл ажиллагаатай уялдуулж, хяналт тавьж ажиллана.

Улс төрийн сөрөг хүчний гол намын хувьд үйл ажиллагаагаа давхар явуулна. Хуралдаанаар АН-ын Үндэсний бодлогын хорооны даргаар УИХ-ын гишүүн Д.Ганбатыг сонгож томилсон. Мөн Дэд даргаар Ч.Сайханбилэгийг томилж, баталлаа" гэв.