x

Ли Жунмин: Монголын нүүрсний экспорт Австралиас давж магадгүй

Хятадын Нүүрс тээвэр худалдааны ассоциацийн дэд ерөнхийлөгч Ли Жунминтай ярилцлаа.

 

-Монгол Улс Өмнөд хөрш рүүгээ жилд 30 гаруй сая тонн нүүрсийг экспортолж байна. Хэрвээ төмөр зам барьчихвал хэчнээн тонныг гаргах боломжтой гэж та харж байгаа вэ?

-Монгол Улсад Хятад руу экспортлох нүүрсний орон зай маш их байгаа.

Бидний тооцоолж байгаагаар өнгөрсөн жил Монгол Улс 36 сая тонн нүүрсийг гаргасан. Харин энэ жилийн байдлаар Хятад руу 20 сая тонноос ихийг гаргасан байна. Энэ жилийн экспортын хэмжээ өнгөрсөн жилийнхээс давна гэж бид үзэж байгаа. Монгол Улсын тээвэр тасралтгүй хөгжиж байгаагийн хэрээр нүүрс экспортын орон зай улам нэмэгдэнэ гэж үзэж байна.

Экспортлох хэмжээ хэд байх нь Монгол Улсын нүүрсний үнээс шалтгаална.

-Монгол Улс харьцангуй хямд үнээр танай улс руу нүүрсээ гаргадаг шүү дээ?

-Тийм ээ, нэг талдаа үнэ бага байна. Нөгөө талдаа нүүрсний чанараас шалтгаална. Нэн ялангуяа бага тоосонцортой коксжих нүүрс давуу тал болно. Ийм нүүрсийг манай улс авах хүсэлтэй байгаа.

-Хятадын зарим бүсүүдэд коксжих нүүрсний хэрэглээ нэмэгдэж байгааг танай мэргэжилтэн илтгэлдээ дурдаж байсан. Тэдгээр бүс нутгуудад манай нүүрс экспортлогчид хүрэхийн тулд ямар алхам хийх ёстой вэ?

-Монголын уурхайгаас манай хил дээр очих тээврийн зам ялангуяа төмөр зам огт хөгжөөгүй. Үүнээс бүх зүйл шалтгаалж байна. Одоогийн байдлаар Монгол Улсын Хятад руу экспортолж байгаа коксжих нүүрс авто тээврээр тээвэрлэгдэж байгаа шүү дээ.

Авто тээврийн өртөг нь маш өндөр.

Хоёрдугаарт, алсыг харахад Монгол Улсын нүүрсний авто замын тээвэрлэлт байгаль орчныг асар ихээр бохирдуулж байна. Ингэснээр боомтын ачааллыг нэмэгдүүлж байгаа шүү дээ. Энэ экспортын үр дүнд сөргөөр нөлөөлж байна.

-Монгол Улс 2022 он гэхэд нүүрс экспортлох төмөр замаа тодорхой хэмжээнд шийдэхээр болсон. Одооноос зарим төсөл нь хэрэгжиж эхэлж байгаа. Төмөр зам баригдаад нүүрсээ экспортоллоо гэхэд үр дүн нь мэдээж эерэг гарна. Гэхдээ төмөр зам барьснаар асуудал шийдэгдэхгүй гэдгийг манай хувийн хэвшлийнхэн хэлж байна л даа. Тэгэхээр монголчуудад төмөр замаа барихаас гадна анхаарах ямар зүйлүүд байна гэж та харж байгаа вэ?

-Бидний үзэж байгаагаар өнөөдөр Монгол Улсаас коксжих нүүрс худалдаж авах шаардлага их байна. Гэвч энэ нь хэр удаан үргэлжлэхийг бид мэдэхгүй. Яагаад гэхээр төмөрлөгийн үйлдвэрлэл манай оронд дээд цэгтээ хүрсэн.

Ирээдүйд коксжих нүүрсний хэрэглээ тийм ч их биш байх болно. Тиймээс өнөөдөр нүүрсний чанар тогтвортой байх хэрэгтэй. Монголчууд нүүрсний өртгөө тогтвортой барьж байх хэрэгтэй.

Хятадын нийгэм социалист зах зээлийн зарчмаар явж байгаа шүү дээ. Тиймээс бүтээгдэхүүн чанар болоод үнээс шалтгаална. Хятадад сайн чанарын коксжих нүүрсний зах зээл дутмаг байгаа. Монголын коксжих нүүрсний чанар сайн байвал орон зай их гэж бид үзэж байна. Ирээдүйд хэрэгцээ нь саарах магадлалтай ч өнөөдөр коксжих нүүрсний хэрэгцээ их байна.

-Өнгөрсөн жил танай судлаач эмэгтэй Хятадын “Цэнхэр тэнгэр хамгаалах” бодлого хэрэгжиж байгаа гэж дуулгаж байсан. Тэр бодлоготой холбогдож байгаа юу?

-Бага зэрэг холбоотой. Яагаад гэвэл Хятад Улс өнөөдөр байгаль орчныг хамгаалах тал дээр маш их ач холбогдол өгч байгаа.

Ши Жиньпин дарга энэ асуудлыг дэвшүүлж тавихдаа таван том хөгжлийн зарчмыг тодорхойлсон. Үүний нэг нь бол экологи хамгаалах бодлого юм. Хятадын өнөөгийн хөгжил бол хүрээлэн байгаа орчноос салж чадахгүй. Ийм учраас бид гадаадаас импортоор авч байгаа нүүрсэнд нэн түрүүнд дээд зэргийн чанартай байх ёстой гэдэг шаардлагыг тавьж байгаа юм.

-Монголын нүүрс хэр чанартайд тооцогдож байгаа вэ?

-Монголын коксжих нүүрсний чанар нэлээд сайн гэж үзэж байгаа. Ийм учраас дунд зэргийн чанарын нүүрсийг хязгаарлаж байна.

-ОХУ 2022 он гэхэд нүүрс экспортоор тэргүүлэгч болно гэдэг зорилтыг тавиад байгаа. Тиймээс хурдацтай өрсөлдөхгүй бол гүйцэгдэж магадгүй гэдгийг манай нүүрсний салбарынхан ярьж байна. Ер нь бидэнд ОХУ-ыг хойноо орхиж, Австралийн өмнө гишгэх боломж байгаа болов уу?

-Боломж байгаа. Аль алиных нь давуу талыг үзэх хэрэгтэй. Монгол Улс Хятадтай маш ойрхон хилээр холбогдсон. Энэ бол маш том давуу тал. ОХУ бодит байдал дээр манай улсаас хол оршдог шүүдээ. Тиймээс монголчууд энэ давуу талаа маш сайн ашиглах хэрэгтэй.

-Ер нь Хятадын далайн боомт руу зүтгэхээс гадна ойрхон боомтуудад харилцаа холбоогоо тогтоох хэрэгтэй гэдэг асуудлыг манай нүүрсний салбарынхан ярьж байна?

-“Ганц мод”, “Гашуун сухайт” зэрэг тогтвортой хэд хэдэн боомт байна. Энэ хоёр боомт Монголоос импортлох нүүрсний 80 хувийг эзэлчихээд байна. Монголчууд Хятадын далайн боомтод гарч болно. Тийшээ очих хэмжээ нь бага. Монголын нүүрс Хятадаар дамжуулж цаашаа гарахгүй. Хятадын гангийн үйлдвэрүүдэд борлуулагддаг.

-Танай коксжих нүүрсний жилийн хэрэглээ хэдэн сая тонн байдаг вэ?

-Энэ бол маш их.

-Манайхаас хэдий хэр хэмжээг авах боломжтой вэ. Дээд хязгаар нь?

-Манай коксжих нүүрсний хэрэгцээ 600 сая тонноос их. Монголоос хэдийг авах боломжтой вэ гэдгийг хэлэхэд боломжгүй л дээ. Олон талаас бид нүүрс импортолж байгаа шүү дээ. Австрали, ОХУ, Индонезээс авдаг. Гэхдээ энэ жил Монголоос авах нүүрс Австралиас давж магадгүй байна.

-Яагаад?

-Монголоос Хятад руу экспортлох нүүрсний хурдац нэмэгдэж байна. Австралиас Хятад руу далайн замаар тээвэрлэхэд тээврийн үнэ бага байдаг. Энэ нь давуу тал болдог. Гэхдээ манайхаас хол шүү дээ.

-Хэрвээ бид төмөр замаа тавиад танайх рүү жилд 60 сая тонноос их нүүрс гаргалаа гэж бодъё л доо. Тэгвэл танайх ямар нэгэн хязгаар тавих уу. Манай экспорт нэмэгдэхээр танайхаас бага зэрэг хяз-гаар тогтоодог үе байдаг шүү дээ?

-Ойрын хэдэн жил ийм хязгаар байхгүй байх гэж би бодож байна. Нэг ёсондоо бодлогын хувьд ямар нэгэн хязгаар тогтоохгүй. Ямар нүүрсийг хязгаарлаж байна вэ гэхээр доод, дунд, муу чанарын нүүрсийг хязгаарлана. Өрсөлдөөнөөс шалгарсан нүүрсийг л бид авна.

-Хятадын нүүрсний зах зээлийн талаар сонирхуулж яриач?

-Товчхон хэлэхэд, ойрын хэдэн жил Хятадад бүтцийн өөрчлөлт хийж байгаа. Манай улсын эдийн засаг өндөр хурдацтай өсөлтөөс чанарыг чухалчилж хөгжиж байна. Эдийн засгийн хэмжээ маш их байгаа.

Гэхдээ хурдыг бид аажим сааруулж байна. Тиймээс өнгөрсөн хоёр жилд нүүрсний салбар, ган төмрийн салбарт нэлээд илүүдэл гарсан. Иймээс бид үйлдвэрлэлээ сааруулж байгаа юм. Гэвч коксжих нүүрсний хувьд дутагдалтай байгаа нь үнэн. Харин эрчим хүчний нүүрс илүүдэлтэй байгаа. Ийм үед коксжих нүүрсний үнэ өндөр байна.

-АНУ, БНХАУ-ын худалдааны дайн болж байна. Энэ нь нүүрсний салбарт хэрхэн нөлөөлөх бол?

-Бага зэргийн нөлөө байна. Бид яагаад хурдаа сааруулж байна вэ гэвэл эдийн засгийн дайнтай холбоотой. Яагаад гэвэл Хятадын нээлттэй хаалганы бодлого эрчимтэй явж байгаа.

Худалдааны дайн эхэлснээр бидний экспортод нөлөөлсөн. Энэ бол манай дотоодын асуудал. Гэхдээ бидэнд ашигтай нэг тал байгаа. Манай улсаас АНУ руу экспортолж байгаа бүтээгдэхүүн тэдэнд нэн түрүүнд шаардлагатай. АНУ татвараа нэмсэн ч эцсийн хэрэглэгч нь ард түмэн нь шүү дээ. Тиймээс жаахан нөлөө байгаа ч манай эдийн засагт асуудал үүсгэхгүй.

Энэ бүтээгдэхүүнээ дотооддоо худалдах орон зай бидэнд бий. Тиймээс орон зайгаа нөхөх бодлого явуулж байгаа юм. Иргэдийнхээ орон сууц, эрүүл мэнд, боловсрол, дэд бүтцийг сайжруулах, өндөр хурдны зам, төмөр зам барихад эдийн засгийнхаа үр ашгийг зориулж байна. Ингэснээр харин ч манай улсын эдийн засгийг хөгжүүлэхэд түлхэц болж байгаа юм.

"Үндэсний шуудан" сонин

 

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
ЦААШ ҮЗЭХ
iШинэ мэдээ
У.Хүрэлсүх: Ямар их ХАРИУЦЛАГАТАЙ ард түмэн болохоо энэ цагаан сараар ХАРУУЛЦГААЯ 7 цаг 43 минутын өмнө Гахай жилийн ОНЦЛОХ 10 үйл явдал 10 цаг 21 минутын өмнө Сар шинийн баяр, амралтын өдрүүдэд нийтийн тээврээр ҮЙЛЧЛЭХГҮЙ 23 цаг 7 минутын өмнө 400 гаруй хоригдол шинээр коронавирусийн халдвар авчээ Өчигдөр 18 цаг 33 минутад БНХАУ дахь Монголын ЭСЯ Ухань хотын эмнэлэгт хандив өргөв Өчигдөр 18 цаг 26 минутад Өндөр хүчин чадал зөөврийн дижитал рентген аппаратыг эмнэлгүүдэд хүлээлгэж өглөө Өчигдөр 18 цаг 07 минутад Багануур дүүргийн халдвартын эмнэлэг 30 ортой 15 тусгай тасаг бэлджээ Өчигдөр 16 цаг 45 минутад БНХАУ-ын 54 иргэнийг өөрсдийнх нь хүсэлтээр нутаг буцаалаа Өчигдөр 15 цаг 22 минутад "Улаанбаатар төмөр зам" орон нутгийн зарим чиглэлээ ЦУЦАЛЛАА Өчигдөр 13 цаг 48 минутад БНСУ-аас ирсэн зургаан оюутнаас коронавирус илэрсэнгүй Өчигдөр 13 цаг 25 минутад "Хотол төгс" хэмээх "Төмөр хулгана" жилийн үхэр хөтөлсөн хүн Өчигдөр 12 цаг 50 минутад ЭМЯ: Халдвар авсан НЭГ хүн 384 хүнд тараах боломжтой Өчигдөр 12 цаг 36 минутад Би дундажаас дээгүүр Өчигдөр 10 цаг 13 минутад Баян-Өлгий аймаг ОРОХ, ГАРАХ хөдөлгөөнийг хязгаарлана Уржигдар 17 цаг 44 минутад Гол, мөрний мөсөн дээгүүр зорчихгүй байхыг анхааруулав Уржигдар 17 цаг 30 минутад Өмнөд Солонгос улсад 156 хүн коронавирусийн халдвар авчээ Уржигдар 17 цаг 19 минутад Жүжигчин Ж.Баясгалан АН-д гишүүнээр элслээ Уржигдар 16 цаг 49 минутад Коронавирус: Долоон сартай нярай бүрэн эдгэрчээ Уржигдар 16 цаг 26 минутад Урт цагааны барилгыг нураах эсэх асуудлыг НИТХ-аар шийдэгдэнэ Уржигдар 15 цаг 57 минутад “Иргэний тэтгэвэр барьцаалсан зээлийн төлбөрийн үүргийг үнэт цаасаар төлөх тухай гэрээ”-нд гарын үсэг зурлаа Уржигдар 15 цаг 19 минутад И Ёо Хун: Хоёр орны харилцааг стратегийн шинэ түвшинд хүргэхийн төлөө ажилна Уржигдар 15 цаг 01 минутад Ардчилал шинэчлэлийн нам Монгол улсад бүртгэлтэй 36 дахь нам боллоо Уржигдар 13 цаг 23 минутад Х.Алтанхуяг: У.Хүрэлсүх ээ, хэзээ сэлмээ сугалж, хулгайч гишүүдийнхээ толгойг цавчих гэж байна Уржигдар 13 цаг 14 минутад Сар шинийн баярын өдрүүдэд цахим гүйлгээний шимтгэл авахгүй гэв Уржигдар 12 цаг 59 минутад Урт цагааны үйл ажиллагааг ЗОГСООХ шийдвэр гарлаа Уржигдар 12 цаг 43 минутад С.Чинзориг: Тэтгэврийн зээл олгож эхэлсэн нь хорио цээрийн дэглэмд саад учруулахгүй Уржигдар 12 цаг 36 минутад Говь-Алтай аймгийн засаг даргыг ажлаас нь чөлөөлжээ Уржигдар 12 цаг 18 минутад Тавантолгойн ордын хөрөнгө оруулалтын гэрээ “хорлон сүйтгэх ажиллагаа” байсан уу? Уржигдар 12 цаг 17 минутад Шинэ гүүрэн гарцыг “ОЛИМПИЙН ГҮҮР” хэмээн нэрлэхээр боллоо Уржигдар 12 цаг 03 минутад Бага насны хоёр хүүхэд гэртэйгээ шатаж нас баржээ Уржигдар 11 цаг 34 минутад Эрдэмтдийн үзэж буйгаар хоёрдугаар сарын сүүл үед вирусийн тархалт оргил цэгтээ хүрнэ Уржигдар 11 цаг 13 минутад ҮАБЗ алт цэвэршүүлэх нэрээр мөнгө угаах төслийг мэдсэн үү? Уржигдар 10 цаг 38 минутад Элчин сайд Т.Жанабазар Шведийн Цог Жавхлант Хаанд итгэмжлэх жуух бичгээ өргөн барив Уржигдар 10 цаг 22 минутад Импортоор авах улаан буудайг 100 мянган тонноор нэмэв Уржигдар 09 цаг 50 минутад Сайншанд хотод 3D кино театр ашиглалтад орно Уржигдар 09 цаг 24 минутад Чай Вэньруй: Хятадын ард түмэн хүний ач тусыг мэддэг, ачийг нь ч хариулдаг Уржигдар 09 цаг 11 минутад Хөл хорионы ХАТУУ ДЭГЛЭМ халдварын тоо буурахад нөлөөлж байна Уржигдар 08 цаг 54 минутад Хууль бусаар мод бэлтгэсэн 13 үйлдлийг илрүүлжээ Уржигдар 08 цаг 45 минутад ХНХ-ын сайд С.Чинзориг цаг үеийн асуудлаар мэдээлэл хийнэ Уржигдар 08 цаг 25 минутад Ихэнх нутгаар цасан шуурга шуурч, хүйтэн байна Уржигдар 08 цаг 05 минутад Хамба лам Д.ЧОЙЖАМЦ: Хуурч мэхэлсэн, худал амласан, залилсан хүн ХУЛГАНА жилд хол явахгүй 2020-02-20 18:36 Амгалан амаржих төвд ӨББ-ын сургалт зохион байгуулав 2020-02-20 18:10 Гарааны бизнес, энтрепренерийн хөгжлийн хүрээлэнгийн төлөөлөгчидтэй уулзав 2020-02-20 17:57 Орос, Герман эрдэмтэдтэй Монгол эмч нар хамтран ажиллав 2020-02-20 17:05 МИАТ компани Бангкок болон Токио чиглэлийн зарим нислэгүүдээ цуцаллаа 2020-02-20 16:54 Өнөөдрөөс тэтгэврийн зээлийг ЗУРГААН сараар олгож эхэллээ 2020-02-20 16:45 Газраа бэлэн орон сууцаар сольсон эхний айлууд ТҮЛХҮҮРЭЭ гардаж авлаа 2020-02-20 16:25 Хот руу орж, гарч байгаа хөдөлгөөнийг бүрэн автомат системээр хянаж байна 2020-02-20 16:11 Байгалийн хийн хоолойг Монголын нутгаар дамжуулах асуудлаар ажлын хэсэг байгуулжээ 2020-02-20 15:54 “Амгалан дулааны станц”-ийг төрийн өмчит компани болгожээ 2020-02-20 15:46
iИх уншсан
Тавантолгойн ордын хөрөнгө оруулалтын гэрээ “хорлон сүйтгэх ... Х.Тэмүүжин: Монгол улсад хуулийн гэхээсээ илүү хувь хүний за... "Хотол төгс" хэмээх "Төмөр хулгана" жилийн үхэр хөтөлсөн хүн... Би дундажаас дээгүүр З.Энхболд, Сү.Батболд нарын “зассан зам” Хамба лам Д.ЧОЙЖАМЦ: Хуурч мэхэлсэн, худал амласан, залилсан... ҮАБЗ алт цэвэршүүлэх нэрээр мөнгө угаах төслийг мэдсэн үү? Ялахгүй гэсэн сонгуулиасаа ялж гарах нь улс төр юм Н.Энхболд: Аймаг дангаараа зам хаах шийдвэр гаргах эрх байхг... М.Оюунчимэг: Байгалийн баялгийг тэгш хуваарилах нь ардчиллын... Эрүүдэн шүүх улс төрийн шоглоом Хэдэн хүн шоронд хийгээд сонгогдоно гэвэл үгүй шүү, Ерөнхий ... Цагаан сарын аатай, адтай, аагтай яриа "Эрүүл ухаантай удирдагч нар бий бол эмнэлгийн талаар зөв ши... Сэтгэл байвал утаанаас ч сална Ерөнхий сайдын толгой хаана вэ? Х.Тэмүүжин: Хонгилыг нураах боломж Ц.Элбэгдоржид байсан, одо... Зургаан аймаг ОРОХ, ГАРАХ хөдөлгөөнийг хязгаарлалаа Бурхан ба үрэл Ухань хотын эмнэлгийн дарга коронавирусийн халдвараар нас ба...
Top