x

Хамтран ажиллах хүсэлтээ илэрхийлэв

Монголын үндэсний олимпийн хорооны Гүйцэтгэх зөвлөлийн гишүүн Ч.Амарсанаа өнөөдөр Яйзү хотын дэд дарга тэргүүтэй төлөөлөгчдийг хүлээн авч уулзав.

Уулзалтаар чөлөөт бөх, пара хөнгөн атлетикийн тамирчдыг хамтарсан бэлтгэлд хамруулах ажил эрчимтэй өрнөж буйг онцлон, цаашид 3х3 сагсан бөмбөг, пара таэквондогийн төрөлд хамтран ажиллах хүсэлтэйгээ илэрхийлэв.

Сонирхуулахад, Япон улсын Шизуока мужийн Яйзү хот "Токио-2020" олимп, паралимпийн наадмын хүрээнд 2015 оноос эхлэн Монголын спортын байгууллагуудтай хамтран ажиллаж, жил бүр чөлөөт бөх, пара хөнгөн атлетикийн тамирчдыг хамтарсан бэлтгэлд хамруулж байгаа.

Яйзү хотын төлөөлөгчид нь хамтын ажиллагааны төлөвлөгөөг хэлэлцэх зорилгоор жил бүр Монгол Улсад айлчилдаг бөгөөд энэ жил тус хотын иргэдийн төлөөлөгчид хүрэлцэн ирж, 2018 оны дөрөвдүгээр сараас Яйзү хотын иргэдийн дунд өрнөсөн Монгол тамирчдад зориулсан зурагт мессэж илгээх аяны зурвасыг хүлээлгэн өгөв.


АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

Top