Засгийн газрын тогтоолоор гурван жил тутам зохион байгуулагддаг Шигшмэл хурдан морьдын “Их Хурд-8” уралдаан Хүй долоо худагт хурдан азарганы уралдаанаар эхэллээ.

Азарганы уралдаанд бүртгүүлсэн 49 хүлгээс 46 нь гарааны зурхайгаас хөдөлж, айргийн тавд дараах уяачдын хурдан хүлгүүд хурдаллаа.

1. Төв аймгийн Баян сумын харъяат Баасансүрэнгийн Нямжавын улаан хээр Түрүү магнай
2. Дорнод аймгийн Баянтүмэн сумын харъяат Монгол улсын тод манлай уяач  О.Батбилэгийн хүхээ халзан Аман хүзүү
3. Сэлэнгэ аймгийн Баянгол сумын харъяат Т.Төрмөнхийн буурал Айргийн гурав
4. Өмнөговь аймгийн Хүрмэн сумын харъяат Монгол улсын тод манлай уяач Д.Бат-Эрдэнийн цавьдар Айргийн дөрөв
5. Хөвсгөл аймгийн Цагаан-Уул сумын харъяат  Аймгийн алдарт уяач Д.Ганхуягийн  хээр айргийн тавд тус тус  хурдалж торгон жолоо өргөлөө.

Маргаашийн уралдаан өглөө 08.00 цагт их насны морьдын уралдаанаар эхэлнэ. "Их хурд" уралдааны их насны морьд 18, соёолон, эрлийз, дунд ангиллын хүлгүүд 14 км зайд шандас сорьж байна.