Энэ сарын 3-ны өдөр Монгол улсын хоёр дипломатч их хэмжээний хар тамхи тээвэрлэж яваад ХБНГУ-ын Дрезден хотноо саатуулагдсан ноцтой хэрэг гарч, шуугиан тарьсан билээ. Тэдний авч явсан хар тамхи 70 кг буюу 3 сая евротой дүйцэхээр байсан бөгөөд уг хэргийг Герман улс шалгаж байгаа.
Харин Гадаад харилцааны сайд Д.Цогтбаатар зургадугаар сарын 12-ны өдөр буюу лхагва гаригт УИХ-ын Аюулгүй байдал, гадаад бодлогын байнгын хорооны хуралдаанд “1992 оноос хойш Монголын Дипломат төлөөлөгчийн газрууд, тэдгээрийн ажилтнууд нэр холбогдсон хар тамхи болон бусад гэмт хэрэг, зөрчлийн талаар” мэдээлэл сонсгохоор болжээ.
Өнгөрсөн хугацаанд Монгол Улсын дипломат төлөөлөгчийн газрууд, тэдгээрийн ажилтнууд болон дипломат паспорттой иргэд хар тамхи болон бусад хэрэг зөрчил гаргасан зэрэг мэдээллийг байнгын хорооны хуралдаанаар сонсох юм байна.
