Эрүүл мэндийн яамны эм хангамжийн тусгай зөвшөөрөл хариуцсан ахлах мэргэжилтэн Б, Эрүүл мэндийн байгууллагын тусгай зөвшөөрлийн асуудал хариуцсан мэргэжилтэн Ч нарыг албан тушаал, эрх мэдлээ урвуулж, бусдаас хахууль авсан хэрэгт холбогдуулан тавдугаар сарын дундуур цагдан хорьсон. Улмаар энэ хэрэгт холбогдсон Ч-г яллагдагчаар тооцож, үргэлжлүүлэн хорихоор шийдвэрлэсэн байна.
Эх сурвалжийн хэлснээр "О, Ч нарыг авилгын хэрэгт холбогдуулан өнгөрөгч сарын 15-нд АТГ-аас хойшлуулшгүй ажиллагаа явуулж, 48 цагийн хугацаатай баривчилсан. Улмаар Ч-г яллагдагчаар тооцон, тавдугаар сарын 23-наас 30 хоногийн хугацаанд цагдан хорьж, О-г мөн яллагдагчаар татаж хилийн хориг тогтоосон" байна.
Харин уг хэрэгт холбогдогч Б-г сулласан байна. Шүүхийн шийдвэрээр 30 хоногийн хугацаанд хоригдсон Ч-ыг цахим мэдээллийн хэрэгслээр, “Гавьяат хуульч, шүүгчийн охин” хэмээн бичиж буй бөгөөд үүнээс нь шалтгаалж цагдан хориулах гэсэн мөрдөгчдийн саналыг шүүх шийдвэрлэлгүй удаж байсан гэх хардлага байгаа юм.
Уг хэрэгт холбогдон Ч-тай хамт саатуулагдсан ЭМЯ-ны Төрийн захиргаа, удирдлагын газрын эм хангамжийн тусгай зөвшөөрөл хариуцсан ахлах мэргэжилтэн Б-г сайд Д.Сарангэрэл туслахаараа ажиллуулж байгаад тус яамны Төрийн нарийн бичгийн даргын тушаалаар дэвшүүлсэн байна.
isee.mn
