People сэтгүүл саяхан маш сонирхолтой нэгэн мэдээг нийтэлжээ. Энэхүү мэдээ нь Монгол хүүтэй холбоотой юм. Америкийн "Nickelodeon" телевиз 1994-2005 онд гаргаж байсан, алдарт "All that" инээдмийн шоугаа эргэн сэргээж буйгаа зарлалаа. Шоунд 12-15 настай, комедид сонирхолтой 20 мянган хүүхдийг өрсөлдүүлжээ. Энэ өрсөлдөөнд Чикаго хотод амьдардаг монгол хүү Сэргэлэнгийн Чингүүн тэнцсэн байна.

С.Чингүүн "All that" шоуны албан ёсны жүжигчний эрх авсан нь, зөвхөн Монгол төдийгүй Азийн орнуудын төлөөлөл болж байгаа юм. Тэрээр ширүүн өрсөлдөөн дундаас тодорч шалгарсан авъяаслаг Рийс Кадделл, Габриэл Грийн, Натан Жанак, Кейт Годфри, Райн Алесси, Лекс Лампкин нарын хүүхдүүдтэй инээдмийн хөтөлбөрт тоглох юм байна.

Скетч комеди төрлийн энэ шоуны анхны дугаар 2019.06.15-нд Nickelodeon сувгаар цацагдах эхлэх бөгөөд олон улсын хэмжээний шоунд анх удаа албан ёсоор сонгогдож 328 сая Америкуудын өмнө "All that " шоугаар Монгол хүү та бидэнтэй учран золгох нь ээ.