Агаарын нисдэг төхөөрөмж зорчигч тээврийн үйлчилгээний салбарт нэвтрэх өдөр хоног ойртсоор байна. Үүнийг Германы “Лилиүм” стартапын зохион бүтээгчид цахилгаан хөдөлгүүртэй нисдэг такси гэх тээврийн хэрэгслээрээ батлан харуулж чадлаа. Тодруулбал, 36 сэнсээр тоноглогдсон, таван хүний суудалтай, “Лилиүм Жэт” нэртэй нисдэг төхөөрөмж туршилтын анхны нислэгээ амжилттай хийсэн байна.
Дэлхий дахинд олон төрөл загварын нисдэг төхөөрөмж шилээ даран гарч ирсээр байна. эхнээсээ салбартаа нэвтрээд байгааг онцолмоор байна. энэ харагдаж байгаа нисдэг төхөөрөмж ижил үүрэгтэй бусад нисдэг машинтай харьцуулахад сүүл болон жолооны хүрдгүй гэдгээрээ онцлогтой. Энэ нь нисгэгчгүйгээр хөөрдөг, автомат жолоодлоготой гэсэн үг юм. Анхны нислэг амжилттай болсон компанийн зорилгын эхний алхмыг хийсэн гэж ойлгож болно. Туршилтаар тус нисдэг машин агаарт босоо чиглэлийн хөдөлгөөнд эгц дээш хөөрч, тодорхой хэмжээний өндөрт гарсныхаа дараагаар хэрхэн аюулгүйгээр эргэн газардаж байгааг харуулсан юм. Харин агаарын хэвтээ чиглэлийн хөдөлгөөний туршилтыг арай хожуу хийхээр төлөвлөж байгаа юм байна. тахианы өндөг хэлбэртэй бүхээг дотор 5 хүн суух багтаамжтай. 36 сэнсээр тоноглогдсон жигүүр тэнхлэгээрээ эргэж хөөрөлт болон нислэгийн чиглэлийг өөрчилдөг. Цахилгаан хөдөлгүүртэй нисдэг такси 300 км хүртэлх зам туулах боломжтой төдийгүй энэ замыг 300 км цагийн хурдаар туулах чадвартай. Энэ үзүүлэлт өрсөлдөгч компаниудын хөгжүүлж байгаа нисдэг машинаас хавь илүү гэсэн үг.
Лилиүм стартап анхны туршилтаа 2017 онд хийж үзүүлж байсан. Тухайн үед 2 хүний суудалтай хувилбараа бүтээн туршиж байсан юм. 2025 он гэхэд тус нисдэг машинаа зорчигч тээврийн үйлчилгээний салбарт бүрэн нэвтрүүлэх өндөр зорилгыг тавин ажиллаж байна. Тус үйлчилгээг авахын тулд ухаалаг гар утсан дахь Үбэрийн апп-ныг ашиглан агаарын нисдэг такси дуудаж болно. Нэг удаагийн үйлчилгээний хөлс 70 ам.доллараас эхэлнэ гэжээ. Тусгай нисгэгчийн шаардлага байхгүй тул нисгэгчийн сертификат олгох сургалтад суух шаардлагагүй.
Лилиүд стартапаас гадна дэлхийн томоохон компаниуд нисдэг төхөөрөмж бүтээсээр байна. Эдгээрийн дотроос хамгийн томоохон нь нисэх онгоц үйлдвэрлэгч Airbus корпораци юм. Тус корпораци нэгэн зэрэг 2 төрлийн нисдэг төхөөрөмж бүтээхээр зорин ажиллаж байгаа нь олны хүлээлтийг ихээр үүсгэж байгаа билээ.
