Японы “Сүмитомо Форестри Ко” компаниас дэлхийд анхны гэж тооцогдохоор өндөр модон цамхаг барина гэж мэдэгджээ. Нийт 70 давхар, 350 метр өндөр энэ барилга дэлхийн анхны модон цамхаг болох төлөвлөгөөтэй байгаа аж.

Барилгын 90 хувь нь япон модоор хийгдэх бол байгууламжийн 10 хувь нь л металл хийцтэй байх юм байна. Металл хийцийг барилгын периметрийн дагуу диагональ байдлаар тусгайлан сунгаж хийх тул газар хөдлөлтөд тэсвэртэй болно гэж үзжээ.

Төслийн өртөг ойролцоогоор 600 орчим тэрбум иен болох бөгөөд барилгын дагуу ногоон цэцэрлэг байгуулах тул иргэд байгальтайгаа ойр байх боломж бүрдэх аж. Энэ өндөр барилгад кафе, цэнгэлдэх, дэлгүүр, ресторан, зочид буудал зэргийг байршуулах юм байна.

Дэлхийн хамгийн анхны модон цамхаг 2041 он гэхэд ашиглалтад орох гэнэ. Одоогийн байдлаар дэлхийн хамгийн өндөр модон барилгад Канад дахь Ванкуверийн оюутны байр ордог билээ.