Энэ жилийн уралдааны ялагч нь Мексик-Америкийн хил дээр эхийг нь нэгжиж байх үеэр уйлсан охины зургийг авсан Жон Мур болжээ.
Мексик, Америкийн хил дээр уйлаад зогсож байгаа бяцхан охины гэрэл зураг "World Press Photo" байгууллагын шалгаруулснаар Оны шилдэг гэрэл зургаар нэрлэгдлээ. Энэ тухай олон улсын гэрэл зургийн уралдааны үр дүнг Амстердамд болсон ёслол дээр зарлав. Энэ арга хэмжээний үеэр уралдааны олон номинацийг ялагчид болон шагналтнууд нэрлэгдсэн байна.
Америкийн гэрэл зурагчин Жон Мурын авсан гэрэл зурагт Гондурасын Янела нэртэй бяцхан охин түүний эх Сандра Санчест хилчин нэгжлэг хийж байхад уйлаад зогсож байгаа нь буужээ. Санчесийн яриагаар тэд бүтэн сарын турш Төв Америкийн туулан орогнол хүсэх гээд АНУ-д очжээ. Тэр үеэр Америкийн Ерөнхийлөгч Дональд Трампын засгийн газар “тэг тэвчээр” бодлогыг зарлаад түүний хүрээнд хил дээр баригдсан цагаач нарт эрүүгийн хэрэг үүсгэнэ гэлээ. Үүний улмаас олон тооны баривчлагдсан эцэг, эхийг нь үр хүүхдээс нь салган янз бүрийн хорих газруудад илээсэн байгаа. Энэ зураг нийтлэгдсэний дараа Америкийн хилчид Янела охин түүний эх хоёр мянгаас давсан тооны салгагдсан гэр бүлд хамаараагүй гэж яаран мэдээлсэн юм. Олон нийтийн эсэргүүцлийн үр дүнд Трамп 2018 оны зургаадугаар сарын 20-нд тэр маргааны бай болсон практикийг зогсоож буйгаа зарласан билээ.
"World Press Photo уралдааны Оны шилдэг зураг нь гайхал төрүүлсэн, ер бусын, цагаа олсон, дурсагдан үлдэх жишгийг үзүүлэх ёстой юм” гэж шүүгчдийг толгойлсон Уитни Жонсон хэлэв. Ялагч зурганд тэр бүгд нь байгааг тэр онцолжээ. “Хилчний гарт өмсөгдсөн резинэн бээлийнээс эхлээд эхийнх нь шаахайд үдээс байхгүй хүртэл зургийн деталиуд маш сонирхолтой".
"Фото шууд л их түүхийг өгүүлж байна. Түүний зэрэгцээ энэ түүхтэй ямар нэгэн холбоотойг бидэнд мэдрүүлж байна. Зурагт сэтгэл зүйн хүчирхийлэл буужээ” хэмээн шүүгчдийн зөвлөлийн Элис Мартинс үнэлжээ.
"Энэ зураглал надаас гадна олон хүний зүрхийг догдлуулсан гэж бодож байна. Энэ түүх нь өөрөө хамаагүй их түүхийг хүнлэг болгож байна” хэмээн зохиогч өөрөө ярьжээ.
"Оны түүх" номинацид “Цагаачдын цуваа” гэсэн голланд-швед гэрэл зурагчин Питер Тен Хопены хийсэн Төв Америкаас улс төрийн харигслал, эдийн засгийн хүнд амьралаас болон АНУ-д дүрвэн гарахаар явж байгаа цагаачдын түүхийг өгүүлсэн цуврал зургууд тэргүүн байр эзлэв.
Дараагийн ээлжид үзэсгэлэн
Ялагчид болон шагналтнуудын гэрэл зургуудаар "World Press Photo" үзэсгэлэн гарган дэлхийн 50 гаруй хотуудад жилийн турш үзүүлнэ. Анхны үзэсгэлэн нь энэ сарын 13-нд уламжлал ёсоор Амстердам хотын Шинэ сүмд нээгджээ.
"World Press Photo" нь дэлхийн гэрэл зурагчдын хамгийн нэр хүндтэй уралдаан бөгөөд 1955 оноос түүхээ эхэлжээ. Зорилго нь гэрэл зураг сэтгүүл зүй, фото баримтын өндөр стандартыг хөгжүүлж барих явдал юм. Энэ жилийн шалгаруулалтанд 129 орны 4,7 мянган гэрэл зурагчдын ирүүлсэн 79 мянга гаруй гэрэл зургаас шүүгчид сонголт хийсэн байна. Ялагчдын тоонд 25 орны 43 гэрэл зурагчид багтжээ.
М.Цогт
