Доналд Трамп Хятадын импортод худалдааны гаалийн татвар нэмэгдүүлэхгүй болсноо мэдэгджээ.

Энэ тухай Америкийн Ерөнхийлөгч өөрийн Twitter-т мэдээлсэн байна. Тэр өнгөрсөн амралтын өдрүүдэд хийгдсэн хэлэлцээрийг амжилттай боллоо гэсэн байв. Оюуны өмчийг хамгаалах, технологи дамжуулах мөн ХАА-г оруулсан бүтцийн чухал асуудлуудаар дэвшил гарлаа хэмээн бичжээ. Гэхдээ л худалдааны гэрээ байгуулагдаагүй байна.

Гэрээнд гарын үсэг зурахын тулд тэр Хятадын дарга Ши Жиньпинтэй уулзах эрмэлзэлтэй, үүний тулд талууд ихээхэн хүчин чармайлт гаргах ёстой гэж  нэмж бичсэн байна.

Сануулахад, өнгөрсөн оны арванхоёрдугаар сард хоёр орны лидерүүд Аргентинд уулзахдаа худалдааны эвлэрлийн гурван сарын хугацааг зарлан тэр хооронд худалдааны шинэ гэрээ байгуулна гэсэн юм. Доналд Трамп энэ гуравдугаар сарын 1-нээс худалдааны хэлэлцээрт ашиг гарахгүй бол гаалийн татвараа 10 хувиас 25 хувь хүртэл нэмнэ гэдгээ хэлсэн байлаа.

Өнгөрсөн долоо хоногийн сүүлчээр Америкийг төлөөлсөн хэлэлцээр явуулагч болон Трампын хооронд зөрөлдөөн үүссэн гэж хэвлэл мэдээлж байв.

Фьючерсийн гэрээний арилжаа нээгдэхээс 20 минутын өмнө Трамп мэдэгдэл  хийлээ. Ерөнхийлөгчийн үгэнд урамшсан үнэ долоо хоногийг өсөлттэйгээр эхлүүлэв. Америкийн үндсэн индексүүдийн гэрээнүүд хагас хувиар үнээ нэмж харагдав. 

Валютын зах зээлд юанийн ханш бэхэжсэнийг хэлэх хэрэгтэй байх. Доллар/юань хосын үнэ ханш одоо өнгөрсөн оны зургаадугаар сарын төвшинд байна. 

Юанийн тогтвортой ханшийг барихын тулд АНУ тохиролцоо хийхэд бэлэн байгаа тухай өнгөрсөн долоо хоногт салбарын хэвлэлүүд шуугиж байв. 

Одоо S&P 500 индекс 2800 пунктаас давах нь бараг ойлгомжтой, гэхдээ өөр нэг нэлээдгүй чухал агшинд анхаарлаа хандуулах нь зөв байх. Трампт одоо худалдааны дайныг зогсоох нь ашигтай болно. Тэр гаалийн татвар нь улсынхаа эдийн засагт сөргөөр нөлөөлж буйг сайн ойлгож байгаа бас сонгууль хаяанд ирээд байна. 

Трампын чансаа нь хөрөнгийн индексийн динамиктай нарийн зохицоод байгаа юм гэдгийг бид ойлгохтойгоо болсон. Одоо Холбооны нөөцийн систем өмнөх үгээ мартаад бодлогын хүүгээ цаашид нэмэхгүй, төсвийн тэнцвэргүй байдлыг хорогдуулахаа зогсоож байгаа учраас индексийн өсөлт нэмэгдэх нь тодорхой. Трампын чансааг нэмэгдүүлэхийн тулд худалдааны дайныг зогсоох хэрэгтэй. Ямар ч тохиолдолд тэр Хятадыг ялсан гэж хэлэх юм.

Дашрамд хэлэхэд, Холбооны нөөцийн систем зах зээлийн унагахаар бүхнийг хийж байхад Жером Пауэлл үнэндээ Трампын хоёр дахь хугацааны замыг засч байна гэж хэвлэлүүд шуугиж байлаа. "Хөөсөнцрийг үлээж" сонгуулиас өмнө индексийг өсгөх гэж байна гэцгээсэн билээ. 

М.Цогт