Исламын “Талибан” хөдөлгөөний гишүүд Катарт Америкчуудтай хэлэлцээр явуулан Афганистаны 17 жилийн дайныг төгсгөхөөр тохиролцов гэж “Талибаны” эх сурвалжийн мэдээнд тулгуурлан Reuters агентлаг бямба гаригт мэдээлжээ.
Агентлагт ярилцагсад мэдэгдэхдээ, энэ хэлэлцээрээр энхийн гэрээнд гарын үсэг зурсны дараа 18 сарын дотор Афганистанаас гадаадын цэргийг 18 сарын дотор бүрэн гаргах ба талибууд тус орныг “Аль-Каида”, “Исламын улс” гэх зэргийн террорист байгууллагын бааз болгохгүй гэсэн байна.
Хоёр тал гал зогсоох дэглэмийг бүрнээр үйлчилж эхэлсний дараа Афганистаны албан ёсны засаг захиргаатай хэлэлцээрийг эхлүүлэх гэнэ. Тохиролцсоны дагуу тэд олзлогсодыг солилцож, хөдөлгөөний лидерүүдийг чөлөөтэй зорчиход тавьсан хоригийг цуцална. Мөн түр засгийн газар байгуулах боломжийг тэд чөлөөтэй үлдээлээ.
Мөн Иракт суугаа Афганы элчин Залмай Халилзад зургаа хоногийн хэлэлцээрийн тухай мэдээллийг Ерөнхийлөгчид Ашраф Гани-д хүргэхээр Кабулд хүрэлцэн очсон гэнэ.
Америкийн тал энэ хэлэлцээрийн тухай албан ёсны мэдээлэл гаргаагүй байна. Мөн уулзалт дээр тавигдсан бүх нөхцлийг Америкийн тал хүлээн авсан эсэх нь тодорхойгүй байгаа юм.
"Талибан" хөдөлгөөн Афганы дайны үеэр 1994 онд байгуулагдсан ба тэд 1996-2001 онуудад засаг барьж байгаад 2001 онд засгаас зайлуугдснаас хойш партизаны дайныг явуулж байгаа. Одоо талибууд, тус орны засгийн газар нь улс төрийн тохиролцоо хийх арга замыг хайж байгаа юм.
М.Цогт
