Ерөнхийлөгч Трамп янз бүрийн орнуудад үзүүлэх санхүүгийн тусламжийн хэмжээг багасгах талаар байнга хэлж байгаа.

Есдүгээр сард НҮБ-д үг хэлэхдээ тэрээр харилцан ойлголцож туслахгүй байгаа орнуудыг дэмжихгүй гэсэн санааг илэрхийлсэн юм. Трамп хэлэхдээ, “Цаашид бид зөвхөн биднийг хүндэтгэн, бидний найз нөхөд байгаа орнуудад туслах болно. Бид бусад орнуудын зүгээс ингэж хандахгүй байгааг харж байгаа. Тиймээс тусламжаа хэнд хэрхэн үзүүлэх талдаа илүүтэй анхаарах болно” гэсэн юм. 

Дараа нь тэр Төв Америкийн дүрвэгчдийн цувааны талаар хэлсэн. "Гватемала, Гондурас, Сальвадор зэрэг хүмүүст улс орноосоо гарч явахыг нь зогсоож чадаагүй. Тэднийг хууль бусаар АНУ-д нэвтрэхэд нь саад хийгээгүй. Одоо бид тэдэнд тогтмол олгож байсан гадаадын тусламж, үйлчилгээг мэдэгдэхүйцээр хорогдуулах шаардлага гарлаа”  хэмээн сануулсан байгаа.

Харин одоо тусламж болгон өгч байсан мөнгө хөрөнгийг АНУ ба Мексикийн хилийн дагуу босгох ханын зардал болгохоор яригдаж байна. Гэтэл эдгээр мөнгө үнэндээ хаашаа урсана вэ?

"howmuch.net" сайт Америкийн тусламж хаашаа урсч буй, ямар асуудлыг шийдэж байгааг харуулах сүртэй график бүтээсэн байна:

USAID агентлагийн мэдээллийг авч үзэн "howmuch.net" сайт дэлхийн ямар улс орнуудад санхүүгийн тусламжийг үзүүлдэг, ирээдүйн зарлагын тооцоо, хөрөнгө олгох  том салбар зэргийн дүн шинжилгээг гаргажээ.

Ерөнхийдөө 30 орон Америкийн гадаадын тусламжийн 82%-ийг авдаг ба энд Афганистан, Ирак хоёр хошуучилж байна. Үүний зэрэгцээ 121 орон тус бүрдээ наад зах нь 100 сая долларын тусламжийг нь авдаг байна. 

М.Цогт