Сарны нөгөө талд буусан Хятадын Chang'e 4 хаймсуурт байгаа Lunar Micro Ecosystem-д суулгасан хөвөнгийн нэг үр ургаж эхэлжээ. Ийнхүү дэлхийн дагуул дээр түүхэнд цорын ганц анхны ургамал ургаж эхэлснийг Синьхуа агентлаг мэдээлэв.

Lunar Micro Ecosystem нь 18 см-ын урттай, 16 см-ын голчтой цилиндр бөгөөд дотор нь хөвөн, төмс, шар буурцгийн үрийг ургуулахаар суулгасан байгаа гэнэ. Мөн ургамалд хэрэгтэй нүүрстөрөгчийн диосидыг ялгаруулахад туслана гээд цилиндрт  шавьжийн өндгийг бас оруулжээ. Энэ бүгд нь битүү бичил био орчныг үүсгэх ёстой. Тэр нь сарны таталцлын орчинд хэрхэн үүсэхийг эрдэмтэд ажиглах гэнэ.

Амьд организм гарч ирэхийг ажиллаж байгаа бичил камерын дамжуулсан зурагт  үрнүүдээс нэг нь ургаж эхэлснийг харууллаа.

Chang'e 4 аяны 140 кг-ын Сараар явагчтай буух аппаратыг Сарны өмнөд Эйткен  туйлын сав газарт нэгдүгээр сарын 3-нд зөөлнөөр газардуулжээ. Тэр нь Сарны нөгөө талд буулгасан анхны хаймсуур болсон юм.

Сарны станцтай дунд ангиллын Long March 3B пуужинг өнгөрсөн оны арванхоёрдугаар сарын 8-нд Сычуань мужийн Сичан гэх сансрын хөлөг хөөргөх талбайгаас хөөргөжээ.

Сар орчмын тойрог замд аппарат арванхоёрдугаар сарын 12-нд орсон байв. “Chang'e 4”  хаймсуур нь сансарын Дэлхий-Сар гэсэн системийн Лагранж L2 цэгт (дэлхийгээс ойролцоогоор 455 мянган километрт) байгаа Queqiao аппаратаар дамжуулан дэлхийтэй холбоо барьж байгаа. Холбооны дамжуулалтын дагуулыг Сичаны  талбайгаас  Long March 4C  пуужингаар  өнгөрсөн оны тавдугаар сард хөөргөсөн юм.

Энэ мэдээ хийгдсэний дараагийн өдөр нь нахиалсан үр үхсэн байв. Үүнийг сарын шөнийн 170 градусын хасах хэмтэй холбон тайлбарлажээ.

М.Цогт