АНУ-ын захирганаас Хойд Солонгост хоёр орны төрийн тэргүүнүүдийн дараагийн уулзалтыг ирэх сарын дундуур Вьетнамд хийх санал тавьсан байна. "Хойд Солонгос энэ саналыг нь судалж байгаа учраас албан ёсны хариу өгөөгүй байна" гэж Өмнөд Солонгосын гадаад алба мэдээлсэн байна.
Хоёр орны төрийн тэргүүн нарын анх удаа хийсэн түүхэн уулзалт өнгөрсөн жилийн зургадугаар сарын 12-нд Сингапурт болж байсан. Энэ үеэр талууд хамтарсан баримтад гарын үсэг зурж, өөрсдийн хүслээр шинээр харилцаа тогтооно гэдгээ бататгасан билээ. Тухайлбал, Хойд Солонгосын удирдагч Ким Жон Ун Солонгосын хойгийг цөмийн зэвсгээс нь бүрэн ангижруулах гэсэн амлалтаа бататгасан бол АНУ-ын ерөнхийлөгч Доналд Трамп Пхеньянын аюулгүй байдлыг хангана гэж амласан юм.
Харин талууд хоёр дахь удаагийн уулзалтын талаар хэлэлцэж эхэлсэн ч хараахан тохиролцоонд хүрээгүй байгаа. Цагаан орны зөвлөх Жон Болтон өнгөрсөн сард талуудын хйих уулзалт энэ сард эсвэл ирэх сард болох талаар хэлж байсан. Мөн Вашингтон одоохондоо Умард Солонгосд тавьсан хоригоо цуцлахаар төлөвлөөгүй байгаа гэж мэдэгдсэн юм.
